Den blijden-wegh tot Bethleem voor de Christelijcke jonckheyt



[pagina 165]
Een ander
Op de vvijse: Alsoo t'beghint. Maria schoon Seer excellente persoon Mijn haet u lof te singhen pooght. Der Maeghden croon, Waaerachtich Salomons throon, Naer mijn ghebedt u ooren booght, En u groote bermherticheyt tooght, Dat ick uwen dienaer Hier mach prijsen een paer, En u deuchden seer claer, En u weghen eerbaer: Mijn hert tot u verhooght. En my van alle sonden drooght. Godts Moeder reyn Een Maeght der Maeghden certeyn, Duyfken van Noe seer ghetrouw: V macht niet cleyn, Thoont ons toch alle ghemeyn, Troost ons altijt in onsen rouw, Want ghy zijt een seer weerdighe vrouw Wien saet excellent Heeft dat helsche serpent, D'welck ons bracht in torment, Verplet en gheschent: Naest Godt ick op u bouw' Wilt my helpen uyt dit benouw. Des levens hout, Spieghel sonder eenighe fout,
[pagina 166]
Leere die Iacob heeft sien staen, Slach-oorden stout Verwermt ons herte seer kout, Leert ons den rechten wech in gaen; Want t'is toch al u macht onderdaen Godt den Vader u mindt, Godt den Soone is u kindt, Den heylighen Gheest is u vrindt Al den Hemel u diendt, Den vyant op die baen Moet voor u aenschijn vlieden gaen.