Den blijden-wegh tot Bethleem voor de Christelijcke jonckheyt
(1645)–Anoniem Blijden-weg tot Bethleem voor de Christelijcke jonckheyt–
Auteursrechtvrijvermeerdert met vele nieuwe leysenen, lof-sanghen ende gheestelijcke liedekens
Op de wijse: O Maria Maghet schoone.
OCh hoe stont de droeve Moeder
By dat Cruys daer ons behoeder
Iesu haeren Soon aenhinck.
Wiens siele, wiens herte,
Vol van rouw, en vol van smerte
| |
[pagina 85]
| |
Een seer pijnigh sweert door-ghinck.
Och hoe droef van alle sijde
Was die seer ghebenedijde
Moeder van dat eenigh kint.
Die met traenen overvloedigh
En met beven sagh seer droedigh
Al't groot leet haers Soons bemindt.
Wie toch menschen sal sijn wanghen
Niet met tranen vloet behanghen
Als hy dese Moeder siet.
Wie en sou niet bitter suchten
Die de Moeder wel beduchten
Met haer Soon ins sulck verdriet.
Om der menschen sware sonden
Sach sy Iesum soo door-wonden
En belast met pijnen groot.
Zy sagh haeren Soon verlaten
Als hy voor sijn ondersaten,
Stierf aen't Kruys de bitter doot.
O der minnen claer fonteyne
Laet my oock ghevoelen pijne
Ende met u oock droedich sijn.
Maeckt dat branden al mijn sinnen
En dat ick Christum beminne
En hem oock behaghe sijn.
Goede Moeder wilt de smerte
Des ghecruysten in mijn herte,
Vast indrucken over al.
V Soons pijnen ('t is wel reden)
Die hy voor my heeft gheleden,
| |
[pagina 86]
| |
Dat ick met u deylen sal.
Wilt my doch waerachtigh gheven
Dat ick met u al mijn leven
Krijten ende weenen mach.
Dat ick u gheselschap houwe
En dat Cruys met u aenschauwe
Is mijn wenschen nacht en dach.
Maeght der Maeghden hoogh gepresen
Wilt my nu niet bitter wesen
Laet my met u rouwich sijn.
Doet my Christus doot oock draghen
In sijn cruys crijghen behaghen
En ghedachtich zijn sijn pijn.
Maeckt dat gans mijn hert van binnen
Sy vervult met Iesus minnen,
Op dat ick magh zijn sijn kindt.
Dus met liefden brant ontsteken
Dat ick hulp voor mijn ghebreken
Van u Maeght in't oordeel vindt.
Door dat cruys wilt my bevrijden
En bewaren door Gods lijden
In sijn gratie overvloet.
Als mijn lichaem sal gaen sterven
Dat mijn ziel dan mach be-erven
S'hemels rijck, en d'eeuwigh goet.
|
|