Perpetuum mobile van Gijsbrecht Doncker, 1618.
Aen de Hooch Mo. Heeren, Mijn Heeren die Staten Generael deser Vereenichde Nederlandsche Provintien.
Vertoont ende geeft oitmoedelijck ende met alle eerbiedicheyt te kennen, de huysvrouwe van Gijsbrecht Doncker alias den Philosooph, hoe dat denselven haeren man onder andere schoone ende heerlijcke consten, nu onlancx gemaect, gevonden ende geinventeert heeft een zeer schoon, heerlijck ende constich stuck wercx, genaemt Propetu Motum, 'twelck van selffs werckende ende gaende is, sulex dat diergelijck stuck werek noyt alhier in de Landen gesien noch geinventeert en is geweest. Ende alsoo desselffs suppliantes man well eer eenyge ander wercken ende consten gemaect ende uwe Ho. Mo. vereert heeft, doch daervan volcomelijck gerecompenseert sijnde, - Ende daeromme soo keert zij suppliante vuytter naem ende van wegen haeren man tot ende aen uwe Ho Mo. Heeren, omme 'tselve stuck wercx uwer Ho. Mo. in aller onderdanicheyt te presenteeren. Biddende 'tselve over danckelijck te houden ende accepteeren van soo goeder herten als 't uwe Ho. Mo. bij des suppliantes voornĖ man gesonden ende geschoncken is etc.
Is Ghijsbrecht Doncker alias den Philosooph toegelecht tot eene vereeringe de somme van hondert guldens, voor dat hij hare Ho. Mo. vereert ende gepresenteert heeft seecker stuck wercx bij hem onlancx geinventeert, genaempt Perpetuum Mobile, 'twelck van selffs werckende ende gaende is.
Zie Resolutien van de Staten Generaal van 11 Mey 1618.
Auteursrechtvrij