Den Bibel, Inhoudende dat Oude ende Nieuwe Testament (Biestkensbijbel)

[p. 94v]

De tweede Epistel S. Ioannis.

¶ Ioannes vermaent de wtuercoren tot de liefde, ende tgoet te aenueerden ende tquaet te schouwen, ende datmen die mijden sal, die susdanige leeringhe niet en brenghen, oock niet groeten, want men soude dan ghemeynschap met hare quade wercken hebben.

1

⁺ DE Outste, der wtuercoren vrouwen ende haren kinderen^* die ick lief heb in der waerheyt: Ende niet alleen ick, maer oock alle, die de waerheydt bekent hebben,

+ A vers 1

* 3.Ioan. a.1.

2

Om der waerheyt willen, die in ons blijft, ende by ons zijn sal in eewicheyt.

3

Ghenade, bermherticheyt, vrede, van Godt den Vader, ende van den Heere Iesu Christo,^* den sone des Vaders, in der waerheyt, ende in der liefde, si met v.

* Mat. 17.a.5. Ioan. 9.d.35.

4

^† Ick ben seer verblijt, dat ick geuonden hebbe onder dijne kinderen die inder waerheyt wandelen, ghelijck wy een gebot van den Vader ontfanghen hebben.

† 3.Ioan. a.4

5

Ende nv bidde ick dy, vrouwe^‡ niet als een nieu ghebot schrijue ick dy, maer dat wy ghehadt hebben van aenbeghin^* dat wy ons onder malcanderen liefhebben.

‡ 1.Ioan. 2.a.7.

* Ioan. 13.d.34 15.b.12. Ephe. 5.a.2. 1.Tess. 4.a.9

6

^+† Ende dat is de liefde, dat wy wandelen na zijn ghebot. Dat is dat ghebot, als ghy gehoort hebt van aenbegin, op dat ghy aldaer in wandelet.

+ B vers 6

† Ioan. 15.a.10 1.Cor. 13.a.6.

7

Want^‡ veel Verleyders zijn in de werelt gecomen, die niet en belijden Iesum Christum dat hy in dat vleesch gecomen is. Dese is de Verleyder ende Antichrist.

‡ mat. 24.a.5.b.24. 2.Pet. 2.a.1.

8

Siet voor v, dat wy niet en verliesen, wat wy gearbeyt hebben, maer vollen loon ontfangen.

9

Wie ouertreet, ende niet en blijft in der leere Christi, die en heeft gheenen Godt: Wie inder leere Christi blijft, die heeft beyde, den Vader ende den Sone.

10

^* Ist dat yemant tot v coemt, ende en brengt dese leere niet, dien en neemt niet int huys, ende en groet hem oock niet:

* Rom. 16.b.16 2.Tess. 3.b.14 2.Tim. 3.a.5. Titum. 3.b.10

11

Want wie hem groet, die maect hemseluen deelachtich zijnder booser wercken.

12

^† Ick hadde v veel te scrijuen, maer ick en woude niet met brieuen ende Inckt, maer ick hope tot v te comen ende mondelijck met v te spreken^* op dat onse blijschap volcomen sy.

† 3.Ioan. b.13.

* Ioan. 16.c.22. 1.Ioan. 1.a.4

13

Dy groeten de kinderen dijner Suster, der wtuercoren, Amen.