Den Bibel, Inhoudende dat Oude ende Nieuwe Testament (Biestkensbijbel)

¶ Dat .xlix. Capittel.

¶ Vanden vroomen Coninc Iosie ende sine eerlijcke wercken, hoe dat door schalcheyt der ander godloose Coninghen de stadt Ierusalem ende al het volck vernielt is. Van Ieremia, Ezechiel, ende de nauolghende Propheten. Van Serubabel, ende Iesu den sone Iosedech. Van Nehemia, Enoch, Ioseph, Sem, Seth, Adam.

1

⁺ DEn naem^† Iosia, is ghelijc als een edel ruecwerck wt der Apoteke.

+ A vers 1

† 4.Reg. 22.a.1 23. 2.Par. 34.a.1

2

Hy is soete ghelijck als Honich inden monde, ende ghelijc een snarenspel byden Wijn.

3

Hy hadde groote genade, om dat volck te bekeeren, ende om de grouwelen der Afgoderien af te doene.

4

Hy waechdet met gheheelder herten op den HEEre. Hy rechte den rechten Gods dienst weder op, doen dat lant vol Afgoderie was.

5

Alle Coninghen, wtghenomen Dauid, Ezechias ende Iosias, hebben haer besondicht:

6

Want si verlieten de Wet des Alderhoochsten. Daer nae wast met den Coninghen Iuda wt:

7

Want si moesten haer Conincrijc anderen laten, ende haer heerlijcheyt, eenen vreemden volcke.

8

^* Die verbranden de wtuercoren Stadt des Heylichdoms, ende maecten hare straten woeste, ghelijck^† Ieremias ghepropheteert hadde,

* 4.Re. 25.b.9.

† Ierem. 1.b.15.

9

Den welcken si gheheel qualijck handelden.^* Die in Moeders lichaem tot eenen Propheet wtuercoren was, op dat hy wtroeyen, in stucken breken, ende verdestrueren, ende wederom oock bouwen ende planten soude.

* Ierem. 1.a.5.

10

^+† Hesekiel sach de heerlijckheydt des HEEren in een openbaringe, de welcke hy hem toonde, wt den waghen Cherubim.

+ B vers 10

† Ezech. 1.a.4.

11

Hy heeft ghepropheteert teghen de Vianden, ende troost vercondicht den ghenen, die recht doen.

12

Ende der twaelf Propheten^† ghebeenten bloeyen noch, daer si ligghen, wandt si hebben Iacob ghetroost, ende verlossinghe belooft, die si seker hopen souden.

† Eccli. 46.b.15

13

Hoe willen wy^† Sorobabel prijsen? Die ghelijck eenen Rinck aen de rechter handt was.

† Agge. 2.d.24 1.Esd. 3.a.2. 3.Esd. 5.a.6.

14

Ende^* Iesus den sone Iosedech, de welcke tot haerder tijt, den Tempel stichten, ende dat heylige huys den HEERE wederom oprechten, dat daer blijuen soude tot eender eewigher heerlijcheyt.

* Agge. 1.a.2.

15

^* Ende Nehemias is altijts te prijsen, die ons de gedestrueerde mueren weder opgherecht heeft, ende de Poorten met Sloten gheset, ende onse huysen wederom ghetimmert.

* 2.Esd. 2.c.17. 7.a.1.

16

Niemant en is op Aerden geschapen,^* die Henoch ghelijc sy, want hy is vander Aerden wechghenomen.

* Gene. 5.c.21. Ecc. 44.b.16 Hebreo. 11.a.5

17

18

^† Ende Iosephs gelijcke en is ooc niet geweest, die een Heere ouer sine broeders was, ende een behouder zijns volcx. Sijn gebeente wert wederom na huys ghebracht.

† Genes. 41.f.40. 42.a.3. 45.c.18.

19

^* Seth ende Sem, zijn onder den Lieden in grooter eeren gheweest. Maer Adam is geeert bouen alle datter leeft, om dat hy de^† eerste van Gode gheschapen is.

* Gen. 4.d.25 5.d.32.

† Gene. 1.d.27.