Den Bibel, Inhoudende dat Oude ende Nieuwe Testament (Biestkensbijbel)

¶ Dat .xlvij. Capittel.

¶ Vanden Propheet Nathan ende de Coninck Dauid: Van sinen Sone Salomon.

1

⁺ DAer nae ter tijt Dauids, propheteerde^† Nathan.

+ A vers 1

† 2.Regum. 12.a.1

2

Ende Dauid was onder den kinderen Israels wtuercoren, gelijc als dat vette aenden offer, Gode toe gheeygent was.

3

Hy ghinck metten^* Leeuwen om, ghelijck als oft hy met Bocxkens ghespeelt hadde, ende metten Beyren als metten Lammeren.

* 1.Re. 17.e.34

4

5

In^† zijnder iuecht sloech hy den Ruese doot, ende nam wech de versmaetheydt van sinen volcke. Hy hief zijn hant op, ende wierp met den slinger, ende sloech den stouten Goliath ter neder.

† Hebr. 11.f.33. 1.Re. 17.f.49

6

Want hy riep den HEERE den Alderhoochsten aen, die stercte hem zijn hant, so dat hy den stercken Crijschman vermoorde, ende den hoorn zijns volcks verhoochde.

7

Hy liet hem prijsen^* als thien duysent mannen weert, ende eerde hem met godtlijcker benedictie, soo dat hy de Coninclijcke Croone creech.

* 1.Reg. 18.b.7 21.d.11. 29.b.5

8

⁺ Hy^† sloech de Vianden ouer al, ende vernielde de Philistijnen zijn tegenpartijers, ende brac haren hoorn in stucken, ghelijck hy noch hedens sdaechs in stucken ghebroken is.

+ B vers 8

† 1.Regum. 5. 8

9

10

Voor een yeghelijck werck, dancte hy den heylighen den Alderhoochsten, met eenen schoonen Liede.

11

Hy sanck van geheelder herten, ende beminde dien, die hem ghemaect hadde.^† Hy stichte Sanghers byden Altaer, ende lietse sine soete Lieden singhen.

† 1.Par. 26.a.1.

12

Ende ordineerde, de vierdaghen heerlijc te houden, ende datmen de Iaerfeesten doort gheheele Iaer, eerlijc begaen soude, met den Naem des HEEREN te louen, ende met singhen des morghens int Heylichdom.

13

^† De HEEre vergaf hem zijn sonde, ende verhoochde sinen hoorn eewelijck. Ende maecte een verbondt met hem,^† dat het Conincrijck ende den Coninclijcken Stoel in Israel, op hem blijuen soude.

† 2.Reg. 12.c.13

† 2.Regum. 7.c.13

14

^+* Na hem wert Coninck, sinen cloecken Sone Salomon, dien de Vader goede ruste ghemaeckt hadde, op dat hy in vrede regeren soude.

+ C vers 14

* 3.Regum. 3.a.1.

15

Want God haddet rontom stille ghemaect, op dat hy sinen Naem een huys stichtede, ende een Heylichdom oprechtede, dat voort ende voort bleue.

16

O hoe wel leerdet ghy in uwe iuecht, ende waert vol verstants, ghelijck een water dat Lant bedect:

17

Ende hebbet ouer al met spruecken ende leeringhen veruult,^* ende uwen naem wert vermaert, verre inde Eylanden,

* 3.Reg. 10.a.1.

18

Ende om uwer vreden wille waert ghy lief ende weert ghehouden.

19

⁺ Alle Landen verwonderden haer uwer Liedekens, spruecken, ghelijckenissen ende wtlegghinghen, ende loofden den HEEre, die daer heet de Godt Israels.

+ D vers 19

20

^* Ghi bracht also veel gouts te voorschijne als Ten, ende soo veel siluers als Loot.

* 3.Reg. 10.e.27 Eccle. 2.b.8.

21

^† V herte hinc aen de Wijuen, ende ghy liet v van haer verdwasen,

† 3.Reg. 11.a.3

22

Ende hingt uwe eere een schantvlecke aen, ende maectet, dat uwe kinderen verworpen moesten wesen, ende dat den toorne ginc ouer uwe nacomelinghen, tot straffinge uwer dwaesheydt,

23

^† Doen dat Conincrijcke ghedeylt wert, ende in Ephraim een Afgodisch Conincrijcke op stont.

† 3.Reg. 12.c.16

24

^* Maer de HEERE en keerde hem niet van zijnder bermherticheyt, ende en veranderde zijn beloofde werck niet,

* 2.Reg. 7.c.12.

25

Ende en roeyde zijns wtuercorens nacomelingen niet wt, ende en nam niet wech, dat saet zijns liefhebbers,

26

Mer behielt noch wat ouer vanden volcke Iacobs, ende een wortel van Dauid.

27

28

Ende Salomon ontsliep met zijnen Vaderen, ende liet achter van sinen sade Roboam, eenen onwijsen man, om dat volck te regeren, die gheen verstant en hadde,^* die tvolck met sinen eyghen sin afuallich maecte.

* 3.Reg. 12.d.26

29

^† Daer toe Ieroboam den sone Nebath, die Israel tot Afgoderie brachte, ende leyde Ephraim in sonden.

† 3.Re. 12.d.26

30

Ende hare sonden werden vermenichfuldicht,^* so dat si ten laetsten wt haren lande verdreuen worden.

* 4.Re. 17.a.6.

31

Want si versierden alderley Afgoderie, tot dat de wrake ouer haer quam.