Den Bibel, Inhoudende dat Oude ende Nieuwe Testament (Biestkensbijbel)

[p. 97r]

Dat Boeck Iudith.

¶ Dat eerste Capittel.

¶ Van de heerlijckheydt der Stadt Egbathanis, ende vanden opganck des Conincks NebucadNezars van Assyrien.

1

⁺ ARphaxsad Coninck der Meden, had veel Landen ende Lieden onder hem ghebracht, ende timmerde een groote gheweldige stadt, die noemde hi^† Ecbatana.

+ A vers 1

† Tobie. 5.b.7. 2.Mac. 9.a.3.

2

Hare mueren maecte hy van enckel gehouwen steenen, tseuentich ellen hooch, ende dertich ellen dick.

3

Maer hare Torens maeckte hy hondert ellen hooch, ende twintich ellen dick int viercant.

4

Ende der stadt poorten maecte hy soo hooch als Torens,^* ende verliet hem op sine macht ende groote heyrs cracht.

* Psal. 20.a.8. Iudith. 9.b.8

5

⁺ Maer NebucadNezar de Coninc van Assyrien, regeerde in de^† groote stadt Niniue, ende oorloochde int twaelfste Iaer zijns Conincrijcx teghen Arphaxsad.

+ B vers 5

† Genes. 10.b.12 Ionas. 1.a.2.

6

Ende de volcken, die aen het water^* Euphrates, Tygris ende Hydaspes woonden, holpen hem,

* Genes. 2.c.14 Apoca. 16.c.12

7

Ende sloech hem in het groot velt Ragau genaemt, dwelcke in voortijden gheweest was, Arioch, des Conincx te Elassar.

8

^* Doen wert dat Rijck NebucadNezars machtich, ende zijn herte stout.

* 1.Mac. 1.a.6. 2.Pa. 26.c.16.

9

Ende hy seynde Legaten tot allen den genen, die daer woonden in Cilicien, Damasco,⁺ opten Libanon, Carmel ende in^† Kedar, oock tot dien in Galilea, ende op het groot velt Esdrelon, ende tot allen die daer waren in Samaria, ende op ghene sijde des Iordaens, tot Ierusalem toe,

+ C vers 9

† Gene. 25.b.12 Canti. 1.b.5.

10

Ooc int geheele Lant Gesem, tot aent geberchte des Morenlants.^† Tot dien allen seynde NebucadNezar de Coninc van Assyrien Legaten.

† Deut. 20.b.11.

11

Maer si verseydent hem alle, die lieten de boden met schanden weder te huys trecken.

12

Doen wert de Coninc NebucadNezar gheheel toornich, tegen alle dese Landen, ende swoer by sinen Coninclijcken stoele ende Rijcke, dat hy hem aen alle dese Landen, wreken wilde.