Den Bibel, Inhoudende dat Oude ende Nieuwe Testament (Biestkensbijbel)

¶ Dat .ij. Capittel.

¶ De HEEre vercondicht den Propheet door een beuel, dat de straffinghe der boosen niet achter blijuen en sal, al vertoeft si wat.

1

⁺ HIer^* stae ick op mijn wachte, ende trede op mijn vasticheydt, ende aenschouwe, ende sie toe, wat my geseyt worde, Ende wat ic antwoorden sal, den genen die my berispt.

+ A vers 1

* Esaie. 21.b.8.

2

Maer de HEEre antwoorde my, ende sprac: Schrijft dat gesichte, ende schilderet op een Tafele, dattet gelesen can, die daer voorbi loopt [Te weten alsoo]

3

^† De prophetie sal ymmers noch veruult worden, tot zijnder tijt,^* Ende sal eyndelijcken vrij aenden dach comen, ende niet wt blijuen. Maer of zijt vertrect, So verwacht haerder. Si sal gewisselijcken comen, ende niet vertrecken.

† Dani. 10.c.14

* Heb. 10.f.37

4

Siet, so wie hertneckich is, die en sal gheen ruste in zijnder herten hebben.^* Want de Rechtuaerdighe leeft zijns gheloofs.

* Roma. 1.b.17 Galat. 3.b.11. Heb. 10.g.38.