Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxlvij. Psalm.

1

⁺LOeft den HEEre, want onsen God louen, dat is een costelijck dinc, sulcken Lof is costelijc ende schoon.

+ A vers 1

2

^* De HEERE bouwet Ierusalem, ende brengt te samen de veriaechde in Israel.

* Apoc. 21.a.2. Tob. 13.b.12.

3

^‡ Hy heylet die eens gebroken herten zijn, ende verbindet haer smerten.

‡ Esa. 57.c.13. 61.a.1. 66.a.2.

4

^* Hy telt de Sterren ende noemtse alle met namen.

* Esaie. 40.d.26. 4.Es. 16.f.57.

5

Onse HEERE is groot, ende van grooter cracht, ende is onbegrijpelijc als hy regeret.

6

^† De HEEre recht op de allendighe: Ende stoot de godloosen ter Aerden.

† Luc. 1.d.52.

7

^+* Singt met malcanderen den HEEre met dancke: Ende loeft onsen God met Herpen.

+ B vers 7

* 1.Esd. 3.c.18.

8

Die den Hemel met wolcken bedecket, ende gheeft regen op Aerden:^† Die dat gras op de berghen wassen laet.

† Ps. 104.b.14

9

Die den vee zijn voeder geeft,^* den ionghen Rauen die hem aenroepen

* Iob. 39.a.3. Luc. 12.c.24.

10

^* Hy en heeft geenen lust aen de stercheyt des peerts, noch geen welbehagen aen yemants beenen.

* Iudit. 9.c.15

11

De^† HEEre heeft een welbehaghen aen die, die hem vreesen, die op zijn goetheyt hopen.

† Psa. 149.a.4 Prou. 11.c.20.

12

Prijst den HEEre Ierusalem: Louet Sion uwen Godt.

13

Want hy maect vast de grendelen uwer poorten, ende seghent uwe kinderen daer binnen.

[p. 225v]

14

Hy maect uwe Palen vrede: Ende versaet v met de beste tarwe.

15

Hy^† seyndt zijn reden op Aerden: Sijn woort loopt snel.

† Gene. 1.a.3.

16

Hy^† gheeft sneeu ghelijck wolle: Hy stroyt den Rijm ghelijck asschen.

† Iob. 37.a.7.

17

Hy werpt zijnen hagel als beten: Wie can blijuen voor zijnen vorst?

18

Hy spreect, so versmeltet: Hy laet zijnen windt waeyen, so ontdoytet.

19

^* Hy doet Iacob condt zijn woort, Israel zijne seden ende rechten.

* Deut. 4.a.1.

20

Soo en doet hy gheenen Heydenen, noch en laetse niet weten zijn rechten. Haleluia.