Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxxvij. Psalm.

Een Liedt Salomo int hooge Choor.

1

⁺ISt^† dat de HEEre dat huys niet en bouwet, so arbeyden te vergheefs die daer aen bouwen.

^* Ist dat de HEEre de Stadt niet en verwaert, so waken de Wachters om niet.

+ A vers 1

† Exod. 1.c.15.

* 4.Re. 9.d.17.

2

Het is te vergheefs, dat ghy vroech op staet, ende daer na langhe sittet, ende etet uwe broot met sorgen: Want zijnen

[p. 223r]

vrienden gheeft hijt slapende.

3

^* Siet, de kinderen zijn een gaue des HEEren, ende de vrucht des Lijfs is een gheschenck.

* Hebr. 2.b.13.

4

Gelijck de pijlen inde hant eens stercken, also ghedijen de Ionghe ghesellen.

5

Wel dien, die zijnen koker van dien seluen vol heeft, die en wordden niet te schanden, wanneer sy met haren Vianden handelen inder poorten.