Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxxvj. Psalm.

Een Liedt int hooghe Choor.

1

⁺VVanneer de HEERE^† de gheuanghene Sion verlossen sal, soo sullen wy zijn gelijc de droomende.

+ A vers 1

† 1.Esdre. 1.a.1.

2

Dan sal onsen mondt vol lacchens, ende onse tonghe vol roems zijn, dan salmen segghen onder de Heydenen: De HEEre heeft groot by hen ghedaen.

3

De HEEre heeft groot by ons ghedaen, dies zijn wy vrolijck.

4

HEEre keert onse gheuanckenisse, ghelijck ghy de wateren int Suyden wtghedroocht hebt.

5

^† Die met tranen saeyen, sullen met vruechden maeyen.

† Gal. 6.a.8.

6

^* Sy gaen henen ende weenen, ende draghen edel saet, ende comen met vruechden, ende brenghen haer schoouen.

* Esaie. 33.a.7.