Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxx. Psalm.

Een Liedt int hooghe Chore.

1

⁺ICk^† roepe tot den HEEre in mijnder noot, ende hy verhoort my.

+ A vers 1

† Ione. 2.a.2. Tren. 3.e.55. Psal. 3.a.5. 18.a.7. 118.a.5.

2

HEEre verlost mijn siele vanden lueghenachtighen monde, ende van de valsche tonghen.

3

^* Wat can v de valsche tonghe doen? Ende wat canse wtrichten?

* Eccl. 28.c.19.

[p. 222v]

4

Sy is ghelijck scherpe Pijlen eens geweldighen,^† als vyer in Geneuer hout.

† Iacob. 3.a.6.

5

Wee my, dat ick een Vreemdelinc ben onder Mesech: Ick moet woonen onder de Hutten Kedar.

6

Het wort mijnder sielen lanck te woonen, by den ghenen die den vrede haten.

7

Ick houde vrede, maer wanneer ick spreke, so heffen sy Crijch aen.