Den Bibel, Inhoudende dat Oude ende Nieuwe Testament (Biestkensbijbel)

¶ Den .Cj. Psalm.

Eenen Psalm Dauids.

1

⁺VAn ghenade ende Rechte wil ick singhen, ende v HEEre lof segghen.

+ A vers 1

2

Ick handele voorsichtich ende redelijck by dien, die my toehooren, ende wandele trouwelijcken in mijn huys.

3

Ic en neme my geen boose sake voor: Ick hate den Ouertreder, ende en laet hem niet by my blijuen.

4

Een verkeert herte moet van my wijcken: Den boosen en lijde ick niet.

5

Die sinen naesten heymelijck achterclapt, dien verniele ick: Ick en vermach dien niet, die stout ghebaer, ende hoogen moet heeft.

6

⁺Mijn ooghen sien na den getrouwen int lant,^* dat si by my woonen, ende hebbe gheerne vrome dienaers.

+ B vers 6

* Psal. 15.a.1. 24.a.3.

7

Valsche lieden en houde ic niet in mijnen huyse:^† De lueghenaers en bedijen niet by my.

† Psalm. 5.a.7.

8

^* Vroech verniele ick alle godloosen inden lande, dat ick alle quaetdoenders wtroeye, wt der Stadt des HEEren.

* Psal. 37.b.9 e.35. Iob. 18.d.17. Prou. 2.b.22.