Den Bibel, Inhoudende dat Oude ende Nieuwe Testament (Biestkensbijbel)

¶ Den .liij. Psalm.

1

Een onderwijsinghe Dauids inden Choor, om malcanderen, voor te singhen.

2

⁺DE^† dwasen spreken in haerder herten: Daer en is gheen Godt: Sy en dueghen niet, ende zijn eenen grouwel gheworden in haren boosen wesen. Daer en is niemant die wat goets doet.

+ A vers 2

† Psal. 14.a.1.

3

^† God sach vanden Hemel op der menschen kinderen, dat hy saghe oft yemant verstandich ware die na God vraechde.

† Gene. 11.a.5. 18.c.21.

4

Maer sy zijn alle afgheuallen, ende altemael onduechdelijck gheworden^† daer en is niemant die wat goets doet, oock niet eene.

† Rom. 3.b.10.

5

En willen dan de quaetdoenders haer niet laten ghesegghen? Die mijn volck verslinden, dat sy haer gheneren? God en roepen sy niet aen.

6

Maer daer vreesen sy haer, dat niet te vreesen en is: Want Godt verstroyt de ghebeenten der drijuers, ghy maectse te schanden, want God versmaetse.

7

^* Ach dat de hulpe wt Sion ouer Israel quame, ende God zijn gheuanghen volck verlossede: So soude hem Iacob verhueghen ende Israel vrolijck zijn.

* Esai. 53.c.20. Rom. 11.d.26.