Den Bibel, Inhoudende dat Oude ende Nieuwe Testament (Biestkensbijbel)

¶ Den .xlvj. Psalm.

1

Een liedt der kinderen Korah vander iuecht voor te singhen.

2

⁺GOdt is onse toeulucht, ende stercte: Een hulpe inden grooten nooden, die ons gheraect hebben.

+ A vers 2

3

Daerom en vreesen wy ons niet, wanneer oock schoon de werelt onderghinge, ende de berghen midden inde See soncken.

[p. 207v]

4

^* Wanneer alschoon de See raesde ende wentelde, dat van haerder tempeest de berghen in vielen. Sela.

* Psal. 89.b.10. 93.a.3.

5

Nochtans sal de^† stadt Gods fijn lustich blijuen met haren fonteynen, daer de heylighe Wooninghen des Hoochsten zijn.

† Hebr. 12.d.22. Apoc. 3.b.12. 21 a.2.

6

^† God is by haer daer binnen, daerom salse wel blijuen: God helpt haer vroech.

† Ioan. 14.c.23. 2.Cor. 6.c.16. Apoc. 21.a.3.

7

De Heydenen moeten versagen, ende de Conincrijcken vallen: Dat Aertrijck moet verghaen, wanneer hy hem laet hooren.

8

⁺De HEERE Sebaoth is met ons: De Godt Iacobs is mijn beschutsel. Sela.

+ B vers 8

9

Coemt herwaerts ende siet de wercken des HEEren, die op Aerden sulck verstooren heeft aengherecht.

10

Die de oorloghen^† stieret in aller werelt,^* de bogen in stucken breect, spiessen in stucken slaet, ende waghenen met vier verbrant.

† Oft stillet.

* Psa. 76.a.4

11

^* Weset stille, ende bekent dat ic God ben: Ick wil eere^† inlegghen onder den Heydenen, ic wil eere inlegghen op Aerden.

* Psal. 37.a.7. Esaie 30.c.15.

† Begaen.

12

De HEEre Sebaoth is met ons: De God Iacobs is onse beschutsel. Sela.