Den Bibel, Inhoudende dat Oude ende Nieuwe Testament (Biestkensbijbel)

¶ Den .xix. Psalm.

1

Eenen Psalm Dauids, voor te singen.

2

⁺DE Hemelen^† vertellen de eere Godts, ende de vasticheyt vercondicht zijnder handen werck.

+ A vers 2

† Psal. 89.a.6. 97.a.6. Roma. 1.c.20.

3

Eenen dach seyt het den anderen, ende eenen nacht doetet condt den anderen.

4

Daer en is gheen sprake noch reden, daermen haer stemme niet en hoort.

5

^† Haer Rechtsnoer gaet wt in alle Landen: Ende haer reden aen des werelts

† Rom. 10.c.18.

[p. 202v]

eynde. Hy heeft der^* Sonnen een Hutte inden seluen ghemaect.

* Genes. 1.b.16. 4.esd. 6.e.45 Eccle. 43.a.2.

6

Ende de selue gaet daer wt ghelijck een Bruydegom wt zijnder Camer: Ende verhuecht haer ghelijck een Helt^* om te loopen den wech.

* Eccl. 43.b.17.

7

Sy gaet op aent een eynde des Hemels, ende loopt wederom tot aenden seluen eynde:^† Ende daer en blijft niet voor haer hitte verborghen.

† Eccle. 43.b.15

8

^* De Wet des HEEren is sonder smette, ende verquict de siele.

Het getuychnisse des HEEren is gewis,^† ende maect de onuerstandighe wijs.

* Psal. 12.a.7. 18.c.31. 119.s.140.

† Deut. 4.a.6

9

⁺De beuelen des HEEren zijn gerechtich, ende verhueghen dat herte.

^† De geboden des HEEREN zijn louter,^* ende verlichten de ooghen.

+ B vers 9

† Psalm. 12.a.7 18.c.31. Prou. 30.a.5.

* Ps. 119.o.105

10

De vreese des HEEren is reyn ende blijft eewelijck: De Rechten des HEEren zijn warachtich, alle te samen rechtuaerdich.

11

^† Sy zijn costelijcker dan gout, ende veel schoons gouts:^* Sy zijn soeter dan Honich ende Honichseem.

† Iob. 28.b.19. Prou. 8.b.11.

* Ps. 119.n.103 Ezech. 2.b.13.

12

Oock wordt v knecht door haer vermaent.^‡ Ende wiese hout, die heeft groot loon.

‡ Psal. 119.a.2 Ioan. 8.f.51.

13

Wie can mercken hoe dickwils hy faelt? Vergheeft my de verborghen ghebreken.

14

Bewaert oock uwen knecht voor de stoute, dat sy niet ouer my en heerschen: So sal ick sonder smette zijn, ende onschuldich blijuen [van] grooter misdaet.

15

Laet v wel beuallen de reden mijns monts, ende dat spreecken mijns herten voor v.

^† HEERE mijnen troost, ende mijn verlosser.

† Psalm. 18.a.3.