Den Bibel, Inhoudende dat Oude ende Nieuwe Testament (Biestkensbijbel)

¶ Den .ix. Psalm.

1

Eenen Psalm Dauids, vander schoonder iuecht, voor te singhen.

2

ICk^† dancke den HEEre van gantscher herten, ende vertelle alle uwe wonderen.

† Psalm. 111.a.1 138.a.1.

3

Ick verhueghe my, ende ben vrolijck in v, ende loue uwen Naem, ghy Alderhoochste.

4

Dat ghy mijne Vianden te rugge gedreuen hebt: Sy zijn gheuallen, ende vergaen voor v.

5

Want ghi voert mijn recht ende sake wt. Ghy sittet opten stoel,^* een gherecht Richter.

* Psal. 7.b.12. Iere. 11.d.20.

6

Ghy schelt de Heydenen, ende verdoet de godtloose: Haren naem doet ghy te niete altoos ende eewelijck.

7

⁺De sweerden des Viants hebben een eynde.^† De steden hebt ghy omgekeert, haer gedachtenisse is vergaen met hen.

+ B vers 7

† Gen. 19.c.24

8

Maer de HEEre blijft eewelijc. Hy heeft sinen stoel bereyt totten gherichte.

9

^* Ende hy sal den Aertbodem recht^† richten, ende de lieden regeren oprechtelijck.

* Acto. 17.f.31.

† Oordeelen.

10

^* Ende de HEEre is des Armen beschutsel: Een beschutsel inder noot.

* Esaie. 33.a.2.

11

Daerom hopen op v, die uwen Naem kennen.^† Want ghy en verlaet niet, die v HEEre soecken.

† Deut. 4.e.31.

12

Looft den HEERE^† die tot Sion woont. Vercondicht onder de lieden zijn doen.

† Psal. 76.a.3. Esaie. 8.b.10.

13

Want hy ghedenct, ende vraecht nae haren bloede. Hy en verghetet des screyens der Armen niet.

14

HEEre zijt my genadich: Aensiet mijn ellende onder den Vianden: Ghy die my verheft, wt de poorten des doots.

15

⁺Op dat ick vertelle alle uwen prijs in de poorten der dochteren Sion, dat ick vrolijck sy ouer uwe hulpe.

+ C vers 15

16

De Heydenen zijn versoncken^* inden Cuyl, die si bereyt hadden: Haren voet is gheuanghen int net, dat si ghestelt hadden.

* Psal. 7.b.16. 35.b.8. Prou. 26.c.27 Eccle. 28.a.2. Eccle. 10.a.4. 1.Hest. 7.c.10. Susan. g.62. Dani. 6.e.24

17

Soo bekentmen dat de HEEre recht doet. De^† godtloose is verstrickt inden wercke zijnder handen, door dat woort. Sela.

† Prou. 5.c.22 29.a.6.

18

Och dat de godloose moeten ter Hellen ghekeert worden, ende alle Heydenen die Godts vergheten.

19

Want hy en sal des Armen niet soo gheheelijck vergheten, ende de hope der ellendiger en sal niet verloren zijn eewelijc.

20

HEEre staet op, dat de menschen de ouerhant niet en crijghen, laet alle Heydenen voor v gheoordeelt worden.

21

Gheeft hen HEEre eenen Meester, dat de Heydenen bekennen, dat sy menschen zijn. Sela