Biekorf. Jaargang 42
(1936)– [tijdschrift] Biekorf–
Gedeeltelijk auteursrechtelijk beschermd
[pagina 119]
| |
 | |
Schoolkyndren vanden Boghaerde.Ga naar voetnoot(1)
Die laet ick achtere, eer ick in de eerde zoke,
myn zeven staende spelen de ghene die
tandren tyden ghespeilt zyn daer binder beloke,
zonderlynghe tspel der gheestelicker loterie;
indien dat naermaels noch eens gheschie
dat die anderwaerf speelwys vertooght mochten wesen,
doch een Ave Maria gheboghender knie
bid ick dat zy over myn ziele lesen.
| |
Vlaemsche schole aldaer.Ga naar margenoot+
Omme die jonghe scholierkens te instruierene,
hopende in duechden der by te beclyfvene,
gheef ick dese materiën te jncorporerene
omme naer den zin van dien te leeren schryfvene
neerstich gheadert
huut Salomons proverbien tsamen vergadert.
[5 bladzijden]
| |
Mannen üanden boghaerdistenGa naar margenoot+datse die bewaeren met listen
jon ick tnaervolghende, vergheeft, die misten.
God Almachtich god der góden, Abrahams god crachtich
zal nyemandt ongheloont laeten tgheenen tyden
(enz. 2 bladzijden raadgevingen met slotverzen )
| |
[pagina 120]
| |
Helpt neerstich desen boghaerdt der jonghe scholieren
zoorghfuldich bewaeren
| |
Schoolkynders zynghendeGa naar margenoot+gheestelick niet sprynghende.
Nu want dies schoolkyndren, naer tjaerlics useren,
de processie tsaemen helpen decoreren
up den helighen bloetdach, ende met oetmoede
also zy paer en paer in oordene passeren
ende zynghen een liedeken vanden helighen bloede;
tdien fine end een vanden costumen de goede
up dat die costume niet verachtert en blyfve,
drie heb icker gheordonneert te dien voorspoede
een walsch en twee vlaemsche die ick hier neerscryfve.
Maer up dat mer niet kyfve zalmen de chooren dwynghen,
best tmynen motyfve,
dat men alfwalsch alfvlaemsch, maer tvlaemsche
vooren zynghen.Ga naar voetnoot(1)
| |
LiedekenGa naar margenoot+up den voys
Verjubileert hu nu, ghy venus jonghen,
den mey die staettere lustich ghebloeyt.
Verblijdt hu nu, die christen name draeghen
wuenende inne der traenen dal,
| |
[pagina 121]
| |
thelich bloedt christi eeuwich tallen daeghen
heeft of ghewasschen ons zonden al.
Int hout zo wast dat Adam eerst mesdede
onghehoorzaemelicke vercoent;
An thout des crucen brocht ons Christus vrede
ende zynen vader zyn wy verzoent.
An thout des crucen duer liefve manieren
ten berghe van calvaryen reyn,
Christus die schanck ons vyf bloedighe revieren
tonser zuverynghe groot ende cleyn.
Gheen bloedt van calveren ofte bucken
en mocht ons helpen huut ons verdriet,
oock gheenderhande eerdsche ghelucken
die en mochten ons oock helpen niet.
Maer thelich bloedt christi, milde huutgheghoten
totte de laetste druepel roodt,
dat heeft den hemele gheheel ontsloten,
veel mensschen verlost voor deeuweghe doodt.
Christus heet bloedt was onse offerhande
die god den vadere wilde ontfaen;
an tcrucen hout hyngh hy voor ons te pande,
stervende riep hy tes al vuldaen.
Lof helich bloedt wiens feestdach wy nu eeren,
Lof zy hu inne der Eeuwicheyt;
duer hu bloedt christe, wilt oorloghe keeren
en bewaert de conynglicke magesteyt,
Beschermt van plaeghen al die ons beminnen,
der stede van Brugghe verleent voorspoet,
datter mach neerynghe gheraecken binnen
daer wy scholierkens zyn upghevoedt.
1546.
| |
Liederen in WalsscheGa naar margenoot+up den voornoemden voys.
Reveilie vous en bonne joyssance
oyant le nom de Jesu Christ,
ayez de luy loyale esperance
car nostre redemption il fist.
Adam aui fust nostre premier pere
| |
[pagina 122]
| |
mangeoit du fruict luy prohibe,
mais Jesu Christ en ce lieu de misere
a tout en la croix restitue.
Nulles offrandes de la loy mosaicque
ne fusrent pas digne nous redimer,
mais Jesu christ filz de Dieu unicque
nostre salut vint concluder.
Dune amour ardante amiable
nous vint partir son sang precieux,
a Dieu son pere fust il aggreable
dont a son dextre sied glorieux.
Tout que home ne scavoit conprendre
en dieu est la possibilite,
et Jesu christ vouloit des cieulx descendre
ad fin de homme estre ne.
Le Sang de Jesu christ en ce monde
nous a lavez de tous pechiez,
nostre adversaire totallement confonde
auquel nous feusmes obligiez.
Louange soit aussy honneur et gloire
a Jesu christ perpetuellement,
cest nostre vie et nostre victoire
en la mort du croix tres humblement.
Resuscite est Jesu christ en terre
a nostre justification,
lheritaige celeste vint conquerre,
sa mort est la confirmation.
Vers dieu le pere obtinez la grace
que ceste ville voeult preserver,
et aussy noises et guerres efface
et roix et princes bien accorder.
| |
Ander Vlaemsch LiederenGa naar margenoot+up den voys:
vanden stoorm der stadt van munster.
(Anderhalve bladzijde beginnende:)
Laets Lof den heere zynghen zaen
want hy sterckelick heeft ghedaen...
(en eindigende aldus:)
| |
[pagina 123]
| |
Dat bidden wy met herten goedtGa naar margenoot+
buugsamelick met ootmoedt,
wy jonghe boghaerdsche scholieren:
heere uwe handt niet en doet
van die ons helpen en regieren.
| |
Buten Schoolkyndren.
De jonghe budsen tschole hebbende stacie
die van buten om leeren commen ingheghaen,
jon ick dese Benedicite ende gratie
dat zy god upofferen mueghen dies verstaen.
| |
De Benedicite.
Gheloft ghedanct zy dheere, die ons heeft verlost
met zynen bloede,
die ons cleed en verleent de daghelicxsche cost
van zynen goede.
| |
Gratie ofte danckzeghynghe.Ga naar margenoot+
Lof heere der heeren groot god almachtich.
dat wy zyn ghespyst,
doch in tgheloove uprecht warachtich
ende eendrachtich
ons leert en wyst.
| |
Cellebroeders.
Mids dat dese broederkens zomtyds logieren
zuentjens diemer legt te castyemente,Ga naar voetnoot(1)
hebze een ordonnancie willen bestieren
tot glase veynsters percken daer binden convente,
ende jonner met liberalen consente,
niet te mildelicke ghewuene,
dhistorie vanden verloren zuene
in vlaemsch end in waelsche: inde verzamynghen,
dynck ic, commer waelkens zo wel als vlamynghen.
| |
[pagina 124]
| |
(Geschiedenis vanden verloren zoon in 8 parcken
van 4 verzen ieder).
Jonghers ziet in tyds toe int eerdsche dal:Ga naar margenoot+
die ten alfven keert, die en doolt niet al.
| |
AucteurGa naar margenoot+
Oft om dat zommich schaemt zyns moeders vlaemsch tale
maer wil franchoys quansuus als edelman spreken,
tdier causen ick hier in walssche verhaele
den zin vanden voornoemde tweendertich reken.
(Volgt de Fransche vertaling in 8 strofen van 4 verzen).
| |
Aucfeur
Celluy qui se tourne vers le seigneur, -
wie keert tot God, den heere der heeren,
- il tournera vers Luy a son grand eur, -
ter nood zal hy oock themwaers keeren.
| |
Ten Wynghaerde.
Myn jiffer moedre daer begraven als woormen spyse
tes redene dat icxse eerejonste bewyse:
up dat huere ziele doch mach naermaels verblyden,
bid ick god almachtich datse zaelich verryse
ende in des oordeels tyden
ter rechter zyden, onder zyn bevryden
te mueghen staene met de ghebenedyden.
| |
De Kercke aldaer.Ga naar margenoot+
Inde Kercke aldaer by voorme van bedynghe
up dat gods kercke als gheestlicke wynghaerdt certeyn
bewaert, beschermt zy talder bevredynghe,
jon ick daer ter eeren gods dit
| |
Referey(lofzang beginnende met:
Heere God eerste schepper alder creaturen...
en sluitende met:
Heere ghy zult hu gheplante wynghaerd bewaeren).
| |
Baghynkens vanden Choore.Ga naar margenoot+
De jonghe baghynekens daer vanden choor
alle kerstdaeghe naer vespren doen debvoir
om leyssen, wieghende jesum tkyndeken cleene
daer menich comt ghewandelt om hebben ghehoor:
| |
[pagina 125]
| |
die jon ick myn leyssebouck, end anders gheene,
ten dienste van die zynghen can elck daer ghemeene;
maer stonder myn weduwe jeghens te kyfvene,
ten minsten omme dese drie huut te schryfvene
hemlieden tbouck leene.Ga naar voetnoot(1)
| |
Deerste Leysseup den voys:
Het zat een sneewit vueghelken
al up zyn eerste plume.
Staet Up Jerusalem word verlicht... (2 bladz.)
| |
Tweede Leysseup den voys:
Dat ick om een schoon beeldeken zoet
zoo langhe zyn moet in ghetruere.
Ao 1545.
Nu mueghen wij duer een schoon beeldeken zoet
niet langher wesen in ghetruere... (2 bladz.)
| |
Derde Leysseup den voys:
Laetst omtrent den avondt
alsoo my rechts dochte.
Crachtich God ghepresen, beghin sonder ende...
(4 bladz. en daaronder staat het jaartal: 1545).
| |
AucteurGa naar margenoot+
Tsnavents naer maeltydt als doude baghynkens,
jiffer margriete catherine synkens,
tcraem hebben te vierewaerts upgherecht,
de zuster nellekens ende jaquemynkens
een leysken te zynghene dient wel fynkens,
| |
[pagina 126]
| |
wat zynse beschaemt, daers vreimdt meysse noch knecht;
al es tleysken wat bourdich, zoo zommich zecht,
men mach wel bedryfven goe ghenoughelicheden.
myn jonste hemlieden twee leyskens toelecht
up datse tkyndeken wieghen met vreden
zoo goe ouders deden.
| |
Leysseup den voys:
La la Pierden metter bulte
La la la
Van Maria die zuver maeght
es ons geboren een kyndekyn,
gode hevet zoo behaeght,
Jesus es de name zyn.
Repetitie: La la kyndeken cleene,
la la la cleen kyndekin,
la la maria reene,
la la la reyn moederkin.
Joseph die vul vruechden wys
cooctte tkyndeken mortroel,
hy roerde hy pufte ende hy blies
maer zou wierdet van passé coel. La la...
Als Jesus zyn gheboorte coos
de coude maecte menich mat,
want den pappot die vervroos
daer Joseph by den viere zat. La la...
Tlogyst en ghaf gheen waerm ghewinGa naar margenoot+
van beesten stondt woest onbesuust,
de zwalewen vlogher huut end in
want thadde gaeten menich duust. La la...
Drie conynghen jonstich ghepynt
maer deene die was een morjaen,
drie ghiften brochten zy daer tkyndt
huut verre vreimde landen zaen. La la...
Herodes heeft gheronst verdooft
als hy van dat kyndt verstoet,
int zoucken tleven wierdt berooft
van menich jonck onnoosel bloedt. La la...
| |
[pagina 127]
| |
Joseph herodem heeft verlact
doe dinghel gods hem tvlieden riedt,
nochtans herodes vuyl beclact
volgde tkyndt maer cnapter niet. La la...
Want naer egipten vloden dan
moeder met tkyndt Joseph als post,
Joseph die was een themmerman
hy maectter stoelkens om der cost. La la...
Laets loven eeren up elck termyn
met een zuver hertken reyn
want desen schoonen pappaerdyn
es tsmensschens behoudt certyn. La la...
Oorlof dits gheleyst ghenouch
tot noch tjaerent ander tydt.
Maria die dit kyndt drough
danck wy die ons heeft verblydt. La la...
| |
LeysseA. 1532 up de voys:
Huut huudt, ghezelleiens hutvt
dat hu naermaels niet en gruwt.
Te Bethleem, tot onser baetenGa naar margenoot+
es ons gheboren zo schoon een smul,
in een huus met vele ghaeten
de ste die wasser gheel of vul.
want van eender maghet reene
was gheboren tkyndeken cleene.
Repetitie: Sus tsus kyndeken tsus
huwen wille die es aldus.
Up deerde sober binden dosse
lach dees schoonen pappaerdyn,
eennen ezel end een osse
verwaermden hem de leden zyn;
tvroos, een man die mocht afgrysen,
turf fasseel wasser noch rysen. Sus tsus.
Tkyndt had hem wel willen waermen,
het woeyer inne butertier,
Joseph slouch in bee zyn aermen
by ghebreke van goet vier.
| |
[pagina 128]
| |
Joseph ghynck huut metter mande
houtjen raepen achter lande. Sus tsus.
Joseph twonderlick mespaste
int vriesen tweder was verhit,
tkyndeken dat speelde vaste
aan zyn morkens borstkens wit.
Joseph ghynck tkynds papken broeken
tmocht te wyle een mamken locken. Sus tsus.
Dheerders die te velde laeghen
hoorden inde lucht jolyt,
naer tkyndeken ghynghen vraeghen,
by zyn moerken vo nd en zyt
daer zout met huer borstkens paeyde,
dus tkyndeken doe verfraeyde. Sus tsus.
Maria die schoone vriendinne
tkyndt heeft zou neerstich upghequeect,
alst ontpaeyt was, morken minne,
hebt ghy hu borstkens huut ghereect,
end hem daer alle knyen voor bughen
liet ghy paeyenesse zughen. Sus tsus.
tKyndt wierdt man, als den tydt quam
die daer toe was gheordonneert
maer corts als onnoosel lam
wierdt ter doodt gheaccuseert
end es an tcrucen hout ghestorven,
tleven heb wyr by verworven. Sus tsus.
En laets daer omme niet trueren
maer dancbaerich en blyde zyn,
Jesus wil dat wy creaturen
duer zyn doodt behouden zyn,
want als dit kyndt was gheboren
tsvyands proy was gheel verloren. Sus tsus.
Princesse moeder maeght marie
jonne, als aerm zondich knecht,
dat hu eeuwich lof gheschie
in hemel end eerde, tes wel recht,
want boven natuere onghewuene
hebt ons ghebaerst een jonghe zuene.
| |
[pagina 129]
| |
Sus tSus kyndeken tsus
huwen wille die was aldus.
| |
Aucteur
Al bem ick dan doodt, of in deerde doock
eer my tpapen pitken can overwelven
als ick dese voornoomde screef, wild ick oock
een leysse daer naer zynghen voor my zelven.
| |
Leysse
up den voys:
Daer liepen lancx de canten
buffels end elephanten.
Loflied beginnende:
Nu ALS vulheyt des tyds ghecommen es beseven
zo heeft god hier int leven
huut ghezonden zyn zuene...
Met slotvers:
Danct Christum tallen tyden... (3 bladz.)
('t Vervolgt). |
|