Biekorf. Jaargang 33

[p. 270]

Sic vos non vobis

Aan Eerw. Heer en Vriend C. De Jonghe, Herder - Oostroosebeke.
Sic vos non vobis mellificatis apes (Virgilius):

Gij bietjes, meugt uw
zeem vergaren;
't is voor è ander!
menigeen zal er
wel meê varen,
menigeen zegt: ‘'t is goed,
't is zoet!’
maar niemand 'n zalder van 't bietje gebaren.
Niemand. -
Niemand, buiten
hij misschien,
die 't bietjen heeft aan
't werk gezien,
en dankbaar 't rusteloos
zwoegen acht,
dien drift, waarbij,
zoo vlug en blijf
ons honingzoet wierd voortgebracht.
Iemand. -
_* * _*
Sic vos non vobis nidificatis aves.
Gij veugelkes meugt uw
nestje maken:
't is voor èn ander!
uw veilige vederkes
dienen tot laken,
dekken de jongskes
die bevrijd,
in 't schoonste van den
kindertijd,

[p. 271]

 

ook 't beste van hun leven smaken.

 

't Beste. -

 

_* * _*

 

Sic vos non vobis lanigeratis oves

 

Gij schapen meugt uw

 

wullegoed dragen;

 

't is voor èn ander!

 

't scheerstaal binst de

 

lentedagen,

 

drijft en draait, en

 

woelt en lacht,

 

in d'heerlijke veelte

 

van uw vacht. -

 

Dat roofwerk, binst de

 

lentedagen,

 

g'herdt 'et, schapen, zonder klagen.

 

G'herdt 'et. -

 

_* * _*

 

Sic vos non vobis fertis aratra boves

 

Ossen, mijn ossen, van

 

's nuchtends vroeg,

 

gaat g'over 't land, en

 

trekt g'uwen ploeg;

 

't is voor èn ander!

 

ossen, mijn ossen, ge

 

zweet voor de menschen,

 

stappende vrienden,

 

wat ge meugt wenschen,

 

wat ge krijgt uit

 

't werk van den ploeg,

 

't is uwe kost, en mager genoeg;

 

Stappende vrienden! -

 

_* * _*

 

Bietjes, veugelkes, schaap en os,

 

vos non vobis!....

 

Werken voor God, o dan is 't: Nos,

 

Nos et nobis.

Nieuwcappelle.

A. Mervillie.