Bible in duytsche (Delftse bijbel 1477)

§ Capittel .ix.

1

ENde alle israhel is ghetelt. ende die summe hore is ghescreuen inden boic der coninghen israhel ende iuda. ende si sijn ouer gheuoert in babilonen om hoer misdaet.

2

Ende die ierste woonden inden besittinghen ende in den steden israhel. ende die priesters ende leuiten ende nathinnei:

3

woonden in iherusalem vanden sonen iuda ende van den sonen benyamin. Ende van den sonen ephraim ende manasse

4

othei een soon amiud. een soon emri. die sonen omrai. die sonen bonni. Van den sonen phares die sonen iuda.

5

ende van siloni: asaia die eerstgheboren ende sijn sonen

6

Ende van den sonen zara: iehuel ende hoer broeders ses hondert ende tneghentich

7

Ende van den sonen beniamin: salo een soon mosollaz die sonen oduia die sonen asana.

8

ende iobama een soon ieroams ende helam een soon ozi die sonen mochori ende mosollam een soon saphacie die sonen rahuel. die soonen iebanie

9

ende hoer broeders doer hoer familien neghen bondert ende ses ende vijftich Alle dese waren princen der gheslachten. doer den husen hoere vaderen

10

Mer van den priesteren iedaia ioiarib ende iachim.

11

ende azarias een soon helchie die soon was mosollam die soon was zadoch die soon was meraioth die soon was achitob was bisscop des huys gods.

12

Mer adaias een soon ieroam. die soon was phasor die soon was melchia ende maasia een soon adihel die soon was iezra die soon was mosollam. die soon was mosollamoth die soon was emmer:

13

ende hoer broeders

[p. *13]

princen doer hoer familien dusent seeuen hondert ende tsestich seer starc van crachten om te doen dat werc des dienstes in den huys goeds.

14

Mer vanden leuiten semeia een soo n assub ende die sonen ezricam die sonen asebia vanden sonen merari

15

Ende bacbachar tymmerman ende galal ende mathania een soon micha. die soon was zechri die soon was azaph

16

ende obdia een soon semeie. die soon was galal. die soon was ydithun: ende barachia een soon asa eens soons helchana die woenden inden salen nethophati.

17

Ende die doerwardes sellum ende achub ende thelmon. ende ahiman: ende hoer broeder sellum een prince:

18

hent tot diere tijt in die poorte des conincs totten oosten bewaerden doer hoer tijden van den sonen leui.

19

Ende sellum een soon chore eens soons abiasaph des soons chore mit sijnen broederen: ende den huysghesin sijns vaders Dit sijn chorite op die werken des dienstes: bewarers der cledercameren des tabernakels ende hoer familie bi boerten der scaren des heren: bewarende den inganc.

20

Mer finees een soon eleasar was hoer leidsman voerden heer

21

Ende zacharias een soon mosollamia doerwaerder der poorten des tabernakels des ghetughes.

22

Alle dese sijn wtuercoren tot doerwaerders doer die poorten twe hondert ende twaelf ende bescreuen in horen eighen dorpen: welc gheset hebben dauid ende samuel die profeet siende in sijnre ghelouen

23

die ende hoer sonen in den doren des huys des heren ende inden tabernakel hoer tijden.

24

Na den vier winden waren doerwachters dat is totten oosten ende totten westen ende toten noorden ende totten zuden

25

Ende hoer broeders woenden in die dorpkens: ende quamen in horen sabbaten van tijde te tijde.

26

Desen vier leuiten is beuolen al tghetal der doerwachters: ende sij waren ouer die tralien ende scatten des huys ons heren

27

Ende in den omganc des tempels gods woonden sij in hoeren wachtinghen: op dat wanneer het tijt was sij des morghens mochten opdoen die doeren.

28

Van deser scaren waren oec op die vaten des dienstes. Want bi getal worden die vaten inghedraghen ende wtghedraghen.

29

Van dien die in hoer beueel hadden dat inboel des santuarijs: die bewaerden oec meel ende wijn ende oli ende wierock ende welrukende cruden

30

Mer die sonen der priesteren mengden saluen van welrukende cruden:

31

ende mathatias leuite die eerste soon sellum chorite was een voocht der dinghe. die ghefroit vorden inder paenen.

32

Mer van den sonen caath horen broederen waren ouer die broden der voersettinghe: op dat sij in allen sabbeten nyeuwe bereiden souden.

33

Dit sijn die princen der sangheren doer die familien der leuiten die woenden inden tralien: om dat sij dach ende nacht ewelic dienen souden in hoeren dienst

34

Die hoofden der leuiten doer hoer gheslachten bleuen princen in iherusalem

35

Mer in gabaon woonden die vader gabaon iahiel: ende die naem sijns wijfs maacha.

36

Sijn eerstgheboren

[p. *14]

soon abdon: ende sur. ende cis. ende baal. ende ner. ende nadab.

37

ende gedor ende ahio. ende zacharias ende macelloth.

38

Ende macelloth wan semmaan Dese woenden teghen hoer broders in iherusalem mit horen broederen.

39

Ende ner wan cis: ende cis wan saul. Ende saul wan ionathan. ende melchisue ende aminadab ende esbaal.

40

Ende ionathans soon was miribaal: ende miribaal wan micha.

41

Mer die sonen micha: phiton ende melech ende thara ende ahaz

42

Ahaz wan iara: ende iara wan alamath ende azmoth ende zamri Zamri wan mosa:

43

ende mosa wan baana welcs soon raphaia wan elasa: van welcken gheboren is esel.

44

Mer esel had ses sonen aldus ghenoemt: ezricam bochru ismahel saria obdia anan. Dit sijn die sonen esel