Bible in duytsche (Delftse bijbel 1477)

§ Capi .v.

1

ENde die sonen rnben des eerst gheboren israhel: want hi was sijn eerste gheboren: mer doe hi besmette sijns vaders bedde sijn ghegheuen die voerdelen dat hi eerst gheboren was den sonen ioseph israhels soon: ende hi en is niet gherekent voer den eerste gheboren

2

Mer iudas die die stercste was onder sijne broeders: van sijnen ghesclachte sijn gheboren die princen: mer die vordelen des eerste gheboren te wesen sijn gherekent ioseph

3

Die sonen ruben des eerste gheboren israhel: euoch ende phallu esrom ende charmi

4

Die sonen iohel: samaia sijn soou. gog sijn soon. semei sijn soon.

5

micha sijn soon. rechia sijn soon. baal sijn soon.

6

beera sijn soon: welcken gheuanghe leiden theglatfalasar coninc van assirien: ende was prince in den gheslachte ruben

7

Mer sijn broeders ende alle sijn gheslachte doe si ghetelt worden doer hoer huysghesin hadden iehihel ende zachariam princen.

8

Mer bala een soon azaz eens soons samma eens soens iohel: die woonden in aroer hent tot nebo ende beelmeon.

9

Ende hi woonde teghent regioen van oosten hent totten inganc des woistenijs ende die riuier eufraten. Ende veel ghetal der beesten besaten sij int lant galaad

10

In den daghen saul hebben sij ghestreden teghen die agaren ende hebben die doot gheslaghen: ende hebben ghewoent voer hem in horen tabernaculen in allen lantscapen die ansien totten oosten galaad

11

Mer die soonen gad wt hoer lantscap woonden int lant basan tot selcha:

12

iohel int beghin. ende saphan die anderde. Mer ianai ende saphat in basan

13

Ende hoer broeders naden husen hore gheslachten: michael ende mosollam ende sebe ende iori ende iachan. ende zie. ende beber seuen

14

Dese sijn soonen abiahil: die sonen vri die sonen iara die sonen galaad. die sonen michahel. die sonen iesesi. die sonen

[p. *7]

ieddo. die sonen buz.

15

Ende die broders soonen abdihel des soons guni princen des huys in horen familien:

16

ende woonden in galaad ende in basan ende in sijnen dorpen: ende in allen voersteden saron. hent tot dien eynde

17

Alle dese sijn ghetelt in den daghen ioatham des conincs iuda ende in den daghen ieroboam des conincs van israhel

18

Die sonen ruben ende gad ende half tgheslacht manasse. mannen strijtvoerres scilden draghende ende swaerden: ende booch spannende ende gheleert tot striden vier ende viertich dusent ende seuen hondert ende sestich. voertgaende totten strijt.

19

vochten teghen die agarenen: eude ithurei ende naphei ende nodab ghauen hem hulpe.

20

Ende die agareni sijn gegeuen in horen handen ende alle die mit hem waren: want sij riepen god an doe sij striden souden: ende hi heeftse verhoert want si gheloofden in hem.

21

Ende sij hebben ghenomen alledie dinghen die sij besaten vijftich dusent camelen: ende twehondert vijftich dusent scapen: twe dusent eselen: ende menschen hondert dusent

22

Ende veel ghewonden storuen. want het was een strijt des heren. Ende sij woonden voer hem hent tot die ouer wanderinghe.

23

Ende die sonen des haluen gheslachtes manasse. die besaten tlant vanden eynde basan. tot baal hermon ende sanir ende den berch hermon. want het was een groet ghetal.

24

Ende dese waren princen des huses hoers gheslachtes: efer. iesi ende helihel ezrihel ende iheremia ende odoia. ende iedihel seer sterke mannen ende machtich: ende genoemt hertoghen in hoen familien

25

Mer si hebben ghelaten god hoere vaderen ende hebben ouer speel ghedaen na den goden der volken des lants. welc die here afghenomen had bi hem:

26

ende die heer israhel heeft verwect den gheest phul des conincs van assirien ende den geest teglatfalasar des conincs assur ende heeft ouergheset ruben ende gad ende dat half gheslacht manasse ende heftse gheleit in ale ende in abor ende ara ende die riuier gozan hent tot desen daghe