Bible in duytsche (Delftse bijbel 1477)

Ca iiii

1

DIe sonen iuda: phares esrom. ende charmi. ende vr. ende subal.

2

Ende rahia subals soon wan iaad: van welcken gheboren sijn ahumai ende laad. Dit sijn die gheslachten sarathi

3

Ende dit is tgheslachte ethan: israhel. ende iesema. ende iedebos. Ende die name hoere suster asalelphuni.

4

Ende phuniel was die vader gedor: ende eser die vader osa Dit sijn die sonen vr. des eerst gheborens ephrata des vaders bethleem.

5

Assur thecues vader had twe wijuen alaa ende naara.

6

Ende naara brocht hem voert oozam ende epher. ende themani ende aastari Dit sijn die sonen naara.

7

Mer die sonen alaa: sereth ysaar ende ethnam

8

Chus wan anob ende soboba. ende dat

[p. *5]

gheslacht aharel een soons arum.

9

Iabes die was edel bouen sijnen broederen: ende sijn moeder noemde sijnen naem iabes segghende: want ic heb hem voert ghebracht in droefnisse.

10

Ende iabes bat god van israhel segghende. Ist sake dat ghi ghebenediende mi benedijt. ende maect breet mijn landen: ende dijn hant sij mit mi: ende doet dat ic van boesheit niet verdruct en werde. Ende god heeft ghegeuen welc hij ghebeden heeft.

11

Caleph een broeder sua wan machir: die was een vader esthon.

12

Ende esthon wan bethrapha ende phesse. ende thehinna den vader der stat naas. Dit sijn die mannen recha

13

Die sonen cenez: othoniel ende saraia Mer die sonen othoniel: athat ende maonathi Maonathi wan ophra

14

Saraias wan ioab den vader des dals der meester van consten. want daer waren meesters van consten

15

Die sonen caleph des soons iephone: hir ende hela ende nahem Die sonen hela cenez.

16

ende die sonen ialel elziph ende zipha thiria ende israhel.

17

Ende die sonen esra: iether ende mereth. ende epher. ende iahalon Ende hij heeft oec ghewonnen mariam: ende sammai ende iesba den vader esthamo.

18

Ende sijn wijf indaia bracht voert iareth den vader gedor: ende heber den vader zocho ende ichutiel den vader zanoa Dit sijn die sonen bithie pharaons dochter welc mered nam:

19

ende die sonen des wijfs odaie een suster nahan des vaders ceila carmi ende esthamo die was van machati.

20

Ende die sonen symon: mon ende rimma een soon anan ende thilon: ende sonen. iesi zoeth ende benzoeth

21

Die sonen sela des soons iude. her die vader was van lecha: ende laada een vader maresa: ende die gheslachten des huys der geenre die blenckende lijnwaet werken. in den huyse des eets:

22

ende die die sonne dede staen. ende die mannen des loghens ende seker ende voertgaende. welc princen hebben gheweest in moab: ende die weder ghekeert sijn in lehem. Dit sijn die oude woerden

23

Dit sijn die aerden potmakers ende steenbackers wonende in die plantinghe ende inden tuynen biden coninc in sijnen werken: ende bleuen daer

24

Die sonen symeon: namuel ende iamin iarib. zara saul

25

Selluz sijn soon: mabsam sijn soon: masma sijn soon

26

Die sonen masma: amuhel sijn soon: zachur sijn soon: semmei sijn soon

27

Die sonen semmei waren sestien: ende ses dochteren Mer sijn broeders en hadden niet veel soonen: ende al tgheslacht en mocht niet gheliken die summe der sonen iuda

28

Ende sij woenden in bersabee ende molada ende hasarsual

29

ende in ballaa. ende in asom ende in tholad

30

ende in bathuel ende in orma. ende in siceleg

31

ende in bethmerchaboth ende in asarsusasim ende in bethberai ende in saarim. Dit sijn hoer steden tot den coninc dauid:

32

ende haer dorpen etham ende aen remmon ende thoren ende asan vijf steden:

33

ende al haer cleyn dorpkens in den omganc deser steden hent tot baal. Dit is hoer woninghe: ende deilinghe hoere steden.

34

Mosobab ende iemlech ende iosa een soon amasie

35

ende iohel iehu soon iosabie eens soons saraie eens soons asihel

36

ende elioenai ende

[p. *6]

iacoba ende isuaia ende asaia ende adihel ende isimihel ende banaia.

37

ende ziza een soon sephei een soons allon. een soons ydaia. een soons semri eens soons samaia:

38

dese sijn ghenoemt princen in hore gheslachten: endesijn in den huse hore maechtael seer vermenichuoudicht.

39

Ende si sijn ghegaen dat sij in gaen souden in gador hent totten oosten des dals: ende dat sij soeken souden weyden horen beesten.

40

Ende sij vonden vruchtbaer weyden ende seer guet. ende een seer breet lant ende rustich ende vruchtbaer: in welken te voren woenden die vanden gheslacte chams

41

Dese sijn ghecomen welc wij voer bi namen bescreuen hebben inden daghen ezechie des conings iuda: ende sloghen hoer tabernaculen ende die woenres die daer ghevonden waren: ende dedense of hent tot desen daghe: ende si woonden voer hem want si seer vruchtbaer weyen daer vonden

42

Ende vanden sonen symeons sijn ghegaen vijf hondert mannen hebbende princen phalthiam ende naariam ende raphiam ende ozihel een soon iesi inden berch seir:

43

ende sloghen die ouerbleuen waren ende ontgaen mochten vanden amalechiten: ende woenden daer voer hem hent tot desen daghe toe