Bible in duytsche (Delftse bijbel 1477)

§ Ca. .ij.

1

DIt sijn die sonen israel. ruben symeon leui iuda isachar ende zabulon:

2

dan ioseph beniamin. neptalim gad ende aser.

3

Die sonen iuda: her. aunan. ende sela Dese drie sijn hem ghebor en vander dochter sue van chananeen Ende her die eerst gheboren soon iuda was quaet voerden here: ende god die dode hem.

4

Ende thamar die iudas soons wijf was bracht voert van iuda twe soonen phares ende zara. Alle die soonen iuda waren vijf

5

Phares soonen esrom ende amul.

6

Ende die soonen zare: zamri ende ethan. ende eman. chalcal ende darda. te samen vijue.

7

Die sonen charmi: achar die israhel verstoorde ende sondichde in dieften der maledictien.

8

Die soonen ethan: azarias.

9

Die soonen esrom die hem gheboren siju: ieramehel. ende ram. ende calubi. dit is caleph

10

Ende ram wan aminadab: Aminadab wan naason eenen prince der kinderen iuda

11

Ende naason wan salma: van welken ghebooren is booz.

12

Booz wan obed: ende die wan isai.

13

Ende isai wan sijnen eerst gheboren soon heliab: den anderden abinadab. den derden symmaha.

14

den vierden nathanahel. den vijften raddai.

15

den sesten ason. den seuenden dauid:

16

welker susteren waren saruia ende abigail Die soonen saruie: abisai ioab ende asahel drie

17

Abigail wan amasa: welcs vader was gether van ismahels gheslachte.

18

Caleb esroms soon nam een wijf gheheten azuba: van welken hi wan ierioth Ende sijn soonen waren iaser ende sobab ende ardon

19

Ende doe azuba ghestoruen was nam caleb ephrata: welc hem voerthracht vr.

20

Ende vr wan vri: ende vri wan beselehel.

21

Na desen is esrom in ghegaen totter dochter machir ga-

[p. *3]

laads vader: ende nam die doe hij tsestich iair out was. welc hem voert brocht segub:

22

Ende segub wan iair: ende besat drie ende twintich steden int lant van galaad:

23

Ende heeft ghenomen gessur ende aran die steden iair: ende canath ende sijn stegen sestich steden. Alle dese sijn sonen machir galaads vaders.

24

Ende doe ghestoruen was esrom: is in ghegaen caleb tot ephrata. Ende esrom had een wijf abia: die hem voirtbrocht assur den vader techue.

25

Ende iheramehel den outsten soen esrom sijn gheboren sonen ram sijn eerste gheboren: ende buna ende aram ende ason ende achia.

26

Ende ieramehel heeft ghetrouwet een ander wijf geheeten atthara: weelc moeder was onams.

27

Ende die sonen ram des eerste gheboren iheramehel. waren moos ioamin ende achar.

28

Onam had sonen semei ende iadan Die sonen semei: nadab ende abisur.

29

Die name des wijfs abisur abiahil: welck voertbracht ahobban ende molid

30

Ende nadabs sonen waren: saled ende apphaim Ende saled es ghestoruen souder kinderen.

31

Mer apphaims soon was iesi: welc iesi wan sesan. Ende sesan wan ahalai

32

Mer die sonen iadai semeis broder waren iether ende ionathan. Ende iether is ghestoruen sonder kinderen.

33

Mer ionathan wan phalech ende ziza. Dese waren sonen ieramehels des eerste gheboren esroms.

34

Mer sesan en had gheen sonen mer dochteren: ende enen egipsien knecht genoemt ieraa.

35

Ende heeft hem gegheuen sijn dochter te wiue: welc hem voertbracht ethei.

36

Ende ethei wan nathan: ende nathan wan zabad

37

Ende zabad wan ophal: ende ophal wan obed.

38

Obed wan iehu: iehu wan azariam.

39

Azarias wan helles: ende helles wan helasa:

40

helasa wan zizamoy: zizamoy wan sellum

41

Sellum wan ithamian: ende ithamian wan elisama.

42

Die sonen caleb ieramehels broeder: sijn eerst gheboren mesa. dese is die vader ciph eens soons maresa des vaders hebron

43

Ende die sonen hebron chore ende taphua ende recen ende samma

44

Samma wan raam ierchaams vader: ende recem wan semmei.

45

ende een soon semei was maon: ende maon was vader bethsur

46

Ende epha een boel calebs bracht voert aran ende musa ende gezez. Aran wan gezez:

47

Die sonen iahaddai regom ende iotham ende gesan phalech ende epha ende saaph.

48

Die boel calebs maacha bracht voert saber ende tharana.

49

Ende saaph wan madmena den vader sue machbena: ende den vader gabaa Ende calebs dochter was achsa

50

Dit waren sonen calebs die vr soon was des eerst gheboren ephrata: sobal die vader cariathiarims.

51

salma een vader bethleems. ariph een vader bethgader

52

Ende waren die soonen sobal. des vaders cariathiarim. welc sach die helft der rustinghe:

53

ende vanden gheslachte cariathiarim iethrei. ende aputhei. ende semathei ende masarei Wt desen sijn voertghegaen saraite ende esthaolite

54

Die sonen salma: bethleem ende nethophati. cronen des huys iacob. ende die helft der rustinghe sarai.

55

Ende die gheslachten der scriben wonende in iabes singhende

[p. *4]

ende ludende: ende in tabernaculen wonende Dit sijn cinei: die ghecomeu sijn van der hetten des vaders des huyses rechab