Bible in duytsche (Delftse bijbel 1477)

[p. *171]

§ Ca .I

1

DIe here sprac tot moysen inder wildernissen van synai in die tabernakel der beloften: opten eersten dach vander ander maent inden anderen iaer na dat si wt egipten ghegaen waren ende seide.

2

Neemt die somme van alder vergaderingen der kinder van israhel nae haren maechscappen ende na haren husen. ende bi elcs name. so wat van mans maecsele is

3

vanden twinstichsten iaer ende daer bouen. alle der starcker mannen van israhel: ende gij sultse tellen bij haren scaren du ende aaron.

4

Ende met v sullen wesen die princen vanden gheslachten ende vanden husen in haren maechscappen:

5

vanden welken dit die namen sijn. Van rubens gheslachte: elysur sedeurs sone.

6

Van symeon: salamihel surisaddai sone

7

Van iuda: naason aminadabs sone.

8

Van ysachar: nathanael suars sone.

9

Van zabulon: eliab helons sone.

10

Van iosephs kinderen van effraym: elisama ammiuds sone Van manasse: gamalihel phadassors sone.

11

Van benyamin: abidan gedeons sone.

12

Van dan: abiezer amisadday sone.

13

Van azer: phegiel ochrans sone.

14

Van gad: elyasaph duels sone.

15

Van neptalim: ahyra enans sone

16

Dit sijn die alre edelste princen der menichten in haren geslachten ende maechscappen. ende die hoofde des heers van israhel:

17

ende dese namen moyses ende aaron. met alle der menichten vanden volke:

18

ende si vergaderdense inden eersten daghe vander ander maent. ende teldense naden maechscappen ende husen ende familien. ende die hoofden ende die namen van elken van twintich iaren out ende daer bouen:

19

alsoe die here moysen beuolen hadde. Ende si waren ghetelt inder wildernissen van synai

20

van ruben israhels eerstgeboren soen so waren ghetelt bi gheslachten ende familien ende haren husen. ende die namen van elken hoofde. al dat van mans maecsele was vanden twintichsten iaer ende daer bouen die ten stride gaen souden:

21

ses ende veertich dusent ende wijf hondert

22

Van symeons kinderen so waren getelt bi gheslachten ende familien ende den husen van haren maechscappen bi namen ende den hoofden van elken. al dat mans maecsel was vanden twintichsten iaer ende daer bouen. die ten strijde gaen souden:

23

neghen ende vijftich dusent ende drie hondert

24

Van gads kinderen waren ghetelt bij gheslachten ende familien ende den husen van haren maechscappen. elcs bi namen van twintich iaren ende daer bouen al die ten stride souden gaen

25

vijf ende veertich dusent ses hondert ende vijftich.

26

Van iudas kinder waren ghetelt bij gheslachten ende familien. ende biden husen van haren maechscpapen elcx bij name vanden twintichsten iaer ende daer bouen: alle die ten stride gaen mochten:

27

vier ende tseuentich dusent ende ses hondert.

28

Van ysachars kinder waren ghetelt bi gheslachten ende familien ende biden husen van haren maechscappen elcx bi namen vanden twintichsten

[p. *172]

iaer ende daer bouen die ten stride gaen souden:

29

vier ende vijftich dusent ende vier hondert.

30

Van zabulons kinder wa ghetelt bi gheslachten ende familien ende biden husen van haren maechscappen elcx bi namen vanden twintichsten iaer ende daer bouen. alle die ten stride souden gaen:

31

seuen ende vijftich dusent. ende vier hondert.

32

Van iosephs kinderen van effrayms kinderen waren ghetelt bi gheslachten ende familien ende biden husen van haren maechscappen elcx bi name vanden twintichsten iaer ende daer bouen. alle dieten stride souden gaen:

33

veertich dusent ende vijf hondert.

34

Van manasses kinderen waren ghetelt bij gheslachten ende familien ende biden husen van haren maechscappen elcx bi namen vanden twintichsten iaer ende daer bouen alle die ten stride mochten gaen:

35

twee ende dertich dusent ende twee hondert.

36

Van benyamins kinder waren ghetelt bij gheslachten ende familien ende biden husen van haren maechscappen elcx bi namen vanden twintichsten iaer ende datr bouen. all die ten stride mochten gaen:

37

vijf ende dertich dusent ende vier hondert.

38

Van dans kinder waren ghetelt bij gheslachten ende familien ende biden husen van haren maechscappen elcx bi namen vanden twintichsten iaer ende daer bouen. alle die ten stride souden gaen:

39

twe ende tsestich dusent ende seuen hondert.

40

Van asers kinder waren ghetelt bi gheslachten ende familien ende biden husen van haren maechscappen elcs bi namen vanden twintichsten iaer ende daer bouen. alle die ten stride mochten gaen:

41

een ende veertich dusenet ende vijf hondert.

42

Van neptalims kinder waren ghetelt bij gheslachten ende familien ende biden husen van haren maechscappen elcx bij namen vanden twintichsten iaer ende daer bouen. alle die ten stride mochten gaen:

43

drie ende vijftich dusent ende vier hondert.

44

Dit sijn die moyses ende aaron ende die twaelf princen van isrhel telden. elc biden husen van haren maechscappen:

45

ende all die kinder van israhel waren bi haren husen ende familien vanden twintichsten iaer ende daer bouen alle die ten stride gaen mochten:

46

ses hondert dusent drie dusent vijf hondert ende vijftich man.

47

Mer die leuiten en waren niet ghetelt inden ghetelde ende inden gheslachte van haren familien

48

Ende die here sprac tot moysen ende seide.

49

En wilt leuijs geslachte niet tellen: noch en set haer somme mitten kinderen van israhel niet.

50

Mer setse bouen die tabernakel der oercondtscap. Ende alle sijn vaten ende so wat datter oeffeningen der tabernakel behoert sij sullen draghen: die tabernakel ende al sijn toebehoren: ende si sullen inden dienste wesen ende haer tenten slaen omtrent den tabernakel.

51

Ende alsmen voert tiden sal so sullen die leuiten die tabernakel of doen: ende alsmen tenten slaen sal so sullent sijt rechten. So wie datter vanden anderen ghelsachten toe gaet men sallen doden.

52

Want die kinder van israhel sullen tenten slaen. ygelijc bij sinen scaren ende bi sinen hopen

[p. *173]

ende bi sinen here:

53

mer die leuiten sullen al omtrent die tabernakel die tenten slaen dat gheen gramscap en worde op die menichte der kinder van israhel: ende si sullen wacker sijn inder hueden vanden tabernakel der oircondscap

54

Dus deden die kinder van israhel. na al dat die here moysen beuolen had