Print Berliner Liederhandschrift vom Jahre 1568(1568)–Anoniem Berliner Liederhandschrift vom Jahre 1568– Auteursrechtvrij Vorige Volgende [Folio 42v] [fol. 42v] [67] Ein annder Jtz wůrtt mir kundt verlangenn, Jn meines hertzen grůndt, Sůchtenn traůrenn langenn, Důck vnnd zů maniger stůndtt, moß ich im hertzenn dragenn, das ist ein leidenn groß, ich weiß es nemantz zů clagen, des stehenn ich freůdenn bloß. Jch mocht es deme clagenn, Ja lieber wer jme mein leidt, Drůmb můß ichs alleine dragenn, Das ist gar schwar arbeitt Je doch so will ich hoffenn, wehr weiß wie es gefeldtt, es mocht noch werden offen, ich werdt zů ir geseltt. Mich will verlangenn thottenn, vnnd es mich hartt erbrantt, ich liegenn jn grossenn nothenn, doch stett zů ir gewantt, mein hertz ohn widder kerenn, biß aůff mein hinnefartt, Jn freůden kan sie mich ernerenn, wan sie nitt wesenn woltt zů hartt. [Spreuk] Der mir mein hertz beschwertt Vnnd meiner jn rechter trewen nitt bogertt, Der loß mich pleibenn der ich bin, Das boger ich vnnd eigh nitt mein. Vorige Volgende