Berliner Liederhandschrift vom Jahre 1568

[63]

Ein annder

Woltt mich der wechter wenckenn,
nach meines hertzenn lůst,
Das ich mich nitt verschlepe,
an meines liebenn brůst,
Jch hortt ein hornlein schallen,
Junckfrewlein wecktt ewern gesellen,
das ehr sich nitt verschlap.

[fol. 40v]

 

Wie gernn woltt ich jnn weckenn,

 

den aller liebstenn mein,

 

Jch fruchtt ehr soltt verschreckenn,

 

sein hertz vnd auch das mein,

 

Dan můsten mir zwei scheidenn,

 

so traůrtenn mir alle beidenn,

 

Das thuett des tages schein.

 

 

 

Och wechter wollestů schweigenn,

 

vnnd folgen meiner lehr,

 

Bei der liebstenn woltt ich pleibenn,

 

verschlaffenn gůitt vnnd ehr,

 

och wechter traůwer geselle,

 

wer mein lieb in der hellenn,

 

bei jm so wollt ich sein.

 

 

 

Ehr nam sie bei den hendenn

 

bei jren schneweisser handtt,

 

ehr leidt sei also balde

 

dar ehr das bettelein fantt,

 

dar ligenn die zwei verborgenn,

 

bis an den lichtenn morgen,

 

das sich der tag aůffbrach.

[Spreuk]

Jch woltt das all zongen waren gesplissen
Die mehr klaffenn dan sei wissenn.