Berliner Liederhandschrift vom Jahre 1568

[17]

Ein annders

Singe ich nitt woll, das ist mir leidt,
von hertzen thette ichs gerne,
vnnd wer nach meinenn singenn nitt en fragtt,
der mag es woll entberenn,
Das magtt allein, mein arm gesang,
darzů mein bose schalle,
mein wiese

[fol. 11v]

 

iß nemantz zů danck,

 

vnnd thůitt mir well gefallenn.

 

 

 

Nochtans will ich einen gůetten modtt han,

 

Vmb nemantt will ich dieß lassen,

 

Mein narren will mir nitt vergahenn,

 

ich dreibes jn rechter massenn,

 

nůn wie die heist, ich achtz nitt vill

 

ich schriůe mir gar vnůerborgenn,

 

das is allein mein alte gesetz,

 

vor mir darff nemantt sorgenn.

 

 

 

Och sorgenn thůitt meinem heůffte wee

 

vnnd krenckt mir mein gemůtt,

 

nhůn traůrenn will ich farhenn lan,

 

vnnd grundenn zů der rechter massenn,

 

dans nemantz en radett vnnd mir gesellet,

 

das mag man mir woll gůnnen,

 

darmitt fartt mir all mein traůren daher,

 

ich singe gern wan ichs kůnne.