Berlijnse liederenhandschrift

LXXI.

Ich quam, aldaer mit tsuchten zaysen
zes vrouwen, werent ongheliich ghemoyt.
Die eyne sprach: "wie hayt mer god ghelaysen
mit eynen man, die mer gheyn vroude doet!
He riit us in vremden land,
he leyst mich hi tse heymen
- her ist mijns hertzen vrouden crans -,
van trÜren ich moys weynen.
Och, riich here god, wie acht hy des zo cleyne!"

Die ander sprach: "waer ist hy nu die mine,
dem ich in rechten truwen loenen zal?
Dach onde nacht zo licht her in den wine,
mit groesen dronken coemt her altoes vol.
Des avonde est her gayr eyn kint.
Her ist oech wal by iaren,
bij mer leyt her als eyn rint;
ziins willen moys ich warden.

[fol. 70v]

 

Och, riich here god, wie langhe zal ich harden?"

 

 

2095

Der derde sprach: "onde wie bin ich verzÜmet

 

met eynen man, die ist gheleret wal!

 

Dach ende nach her mer dat bedde rÜmet,

 

he leeft recht, zam eyn cluser leven [...]

 

zo zelden vruyt hem den moyt!

2100

Da van ich ionghe grisen.

 

Tso eynen monneke wer he goet,

 

da voer wild ich en prisen.

 

Ziin veigher lijf kan tsucht onde ere bewisen."

 

 

 

De vierde sprach: "en kans nicht al bezorghen,

2105

was mer ghesciet, das lays ich henen gaen.

 

Vris onde vro abonts onde morghen,

 

die tsijt, das ich dat leven oph erden haen:

 

deyt he mer eyn, ich doe hem tsweye,

 

wil her das nicht horen,

2110

zo zinghe ich lude: heya hey!

 

Miin hertz kan vruden storen,

 

wat zolde eyn wijf, die nicht den man can doren?"

 

 

 

Die vijfte sprach: "waer ist her nu, der mine?

 

Verleghen in den huse!

2115

Des mijn hertz iammer onde pine.

 

Van hoek tse hoeke slÜft her zam eyn muys.

 

Mer dunck, he zi tse mael eyn doer,

 

he nist nicht wal bi zinnen.

 

Da um steyt mich miin moyt alzo,

2120

dat ich zi nicht wil minnen.

 

Ich wensche im oech daer tso ziin hertz verbrinnen."

 

 

 

De zeste vrouwe lachen zi begonde:

 

"her god, was leven ich oph erden han!

 

Helsen, cussen han ich dousent stonde

2125

van minen vrunt, den alre liefsten man.

 

Tsuaer, her dede mer nie gheyn leyt,

 

dan ich im wal gonde.

 

Ich bin im lief voer alle wijf,

 

das han ich bevonden.

2130

Ich wensch hem heyles nu onde tallen stonden."