Apollo of Ghesangh der Musen
(1615)–Anoniem Apollo of Ghesangh der Musen–
Auteursrechtvrij
[pagina 94]
| |
En in perijckel staet.
Om nu te zijn ghestadich u knecht,
Mijn hert gheheel na treckt,
En kom tot dy ghenadich om recht,
Laet jonste zijn vervveckt,
VVilt niet vvreedelijck slaen,
V dienaer die komt seedelijck aen,
Laet doch u vonnis redelijck gaen,
Lief liefd’ uyt liefde treckt.
Seker ick sal luydt singhen u eer,
My ghenadich aenschout,
En altijdt vvel volbringhen u leer,
Soo ghy my maer betrout,
VVant op aerden ghevvis
Gheen schat hem openbaerden soo fris
Dan ghy, die my van vvaerden hooch is
Boven al ’s vverelts gout.
Niemandt dan ghy in handen en heeft
Mijn klaeghlijck ghemoet,
Dat heel langh vry van banden gheleeft,
Heeft in onrust onspoet,
Maer u deuchde soo reyn,
Verquickt mijn ziels benautheyt certeyn,
Ick vind’ gheen lust noch vreuchde alleyn,
Als in u vvesen soet.
Helaes ick vind soo bloedighen strijdt
Van hoop en vrees te saem,
Dies mijn hert vrijt ootmoedich,
Tot der tijdt aenghenaem,
My u gracij mildt schenckt,
By u die my temptatij fel brenckt,
Ick bid u met gheen quellacij en krenckt
Mijn liefd’ uyt liefd’ bequaem.
Laet op my doch eens schijnen u licht,
Ghelijck Aurora reyn,
VVant certeyn dees u pijnende schicht
Maeckt in ’t hert groot ghevveyn,
Ick ben vervvonnen in ’t velt,
En met u lief ghebonnen ghestelt,
Dan ghy kont vveder jonnen u helt
Victorij suyver greyn.
Ick beken vvel ’tis hooghe ghepeynst,
Maer liefde vvast die ’t my riedt,
Cupido met sijn boghe en veynst
Hem over niemandt niet,
Van vvat staten, hoe groot,
Heeft my alree ghelaten in noodt,
Dan ghy cont vveder baten mijn doodt
Soo ghy vveer liefd’ aenbiedt.
Ontfanght Princes mijn schrijven eerbaer,
| |
[pagina 95]
| |
Neemt my in u ghena
VVeest mijn Matres, ick blijve voorvvaer
V dienaer vroech en spae
Met verlanghen soo vvacht
Ick troost, als een ghevanghen ick slacht,
Ghy hebt my in het verstranghen ghebracht,
Geeft my het vvoordeken jae.
|
|