Apollo of Ghesangh der Musen

[Waerom laet ghy u jonghe jeucht]

Stemme: Als ick aenschou, de schoone vrou. Ofte: Quand la bergere s’en va aux champs.

VVAerom laet ghy u jonghe jeucht
Dus sonder vreucht
Onachsaem slijten schoone Maeght.
V fiere sinnen
Voeght tot het minnen,
Eer ghy ’t beklaeght.

En vvilt doch gheen Nonneken zijn,

V schoon aenschijn
En toont geen kloosterlijck vveesen uyt,
’T is u te stille,
Soudt liever vvillen
Eens zijn de Bruyt.

VVaer toe bevvaert ghy uvven schoot,

[p. 93]

 

V lipkens root,

 

V vvanghskens en u borsjens teer,

 

Schoone Godinne

 

Gunt my uyt minne

 

’T ghebruyck in eer.

 

VVaerom versmaet ghy doch mijn trou

 

Schoone Ionck-vrou,

 

’T is langh genoech alleen gerust,

 

Laet in ons armen,

 

D’een d’ander vvarmen,

 

Naer ’s herten lust.

 

Hoe comt dat u Maeghdelijck hert,

 

Siende mijn smert,

 

Met ’t mijn geen medelijden heeft,

 

Daer’t so vol suchten,

 

In onghenuchten,

 

Onverdient leeft.

 

Laet het doch eens een eynde zijn,

 

Van smert en pijn,

 

Op dat mijn hert voor klacht en sucht,

 

Door mins ghelucke

 

Ghestadich plucke

 

Der liefden vrucht.