Antwerps liedboek

144 Van Symonet

1
SYmonet stont voor die poorte
Sinen meester die hi comen sach
Die groote necker met met zijnder soorte
die geue v also quaden dach
Wat segt ghi Lieue knape fijn
Meester ic hiete v wellecome
Moet ic niet een goet bode zijn
Meester ic ben Symonetkijn.
Die van uwer vrouwen camere
draecht het slodt ende het sluetelkijn
En ben ic niet een mannekijn. |
Ende altoos ben ic smoorpot fijn

2
Symonet ouer tafel was gheseten
Sijn vrouwe brochte spijs ende dranc
Symonet ic laet v weten
Altijt staet ghy in mijn bedanc
Knaep ende meester suldy zijn
Och vrouwe dat sal ic betalen
Moet ic niet een goet bode zijn
Meester ic ben Symonetkijn
Die van uwer vrouwen camere. etc

3
Symonet maecte goede chiere
daer hi op die bedsponde sadt
Die meester maecte die maniere
door een cleyn spleetken dat hi sach
O wat maect ghi lieue knape mijn
Meester ic doe dat ghi behoort te doene.
Moet ic niet een goet bode zijn
Meester ic ben Symonetkijn
Die van uwer vrouwen camere. etc.

4
Symonet sinen meester diende
Seuen maenden meer noch min

[fol. 80r]

 

Al hadde hi zijnder vrouwen te vriende

 

Sijn meester gaf hem zijn ghewin

 

Ghi en moecht niet meer goet bode zijn

 

die van mijnder vrouwen camere

 

Draecht het slot ende sluetelkijn

 

Meester ic ben Symonetkijn