Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 62 Een nyeu liedeken 1 HEt was een meysken vroech opghestaen des morghens door den dou ghegaen Om haer schoon lief te spreken 2 Met dien quam daer haer soete lief Ic hebbe v van also goeder herten lief Ia mocht ic bi v slapen 3 Dat meysken sprac met moede vry. Men vinter knapen meer dan ghi Gheef mi v trouwe te pande 4 Hi trock een vingherlinck van zijn hant. Hout daer schoon lief gheeft mi v hant Mijn trouwe gheue ic v te pande 5 Si stack den vingherlinc aen haer hant Si seyde lief reyst wten lande [Folio 37r] [fol. 37r] Mer coemt noch tauont slapen 6 Ende dat verhoorde eens molenaer knecht Hi nam die woordekens al op zijn recht. die woorden wil ic verbeyden 7 Hi tooch aen een harnas blanck Hi clopte so lijselijck aen den rinck Hi worde daer in gelaten 8 Tsnachts ontrent der middernacht doen dat minnespel op zijn beste was Haer lief quam cloppen al voor die dore 9 Hi clopte so lijselic aen den rinck Staet op schoon lief ende laet mi in Mijn trouwe hebt ghi te pande 10 Ic en stae niet op ic en laet niet in Ic ligghe hier bi die alder liefste mijn Gaet riden uwer straten 11 Tsmorgens vroech alst was schoon dach En si den molenaer wel besach Si en was gheen maecht ghebleuen 12 Dat meysken maecte so grooten misbaer. | Si wranck haer handen si tooch haer hayr Heere god wien hebbe ic in ghelaten 13 En weent niet meer mijn soete lief daer en weten gheen knapen meer af dan ghi ende ick alleyne 14 Tsmorghens als die sonne op ghinc Haer lief quam om sinen rinck die liefde was hem vergangen 15 Gheeft mi minen rinc met haesten snel. Ic sie aen v bruyn oochskens wel Ghi en zijt gheen maecht ghebleuen 16 Ghi ionghe meyskens doch voor v siet. En gheloof die ionghe molenaers niet Si souden v haest bedrieghen Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd