Amoreuse liedekens

(na 1613)–Anoniem Amoreuse liedekens– rechtenstatus


Een nieu Liedeken. [Wel lustighe jongelinghen] WEl lustighe jongelinghen Dit edele meysken fijn Dat wil ick een kroesken bringhen Met klare koele Wijn, En een vreughdelijck Liedeken singhen Ter eeren die liefste mijn. Dit glaesken wel toe drincken Dit edele meysken fijn, Want haer bruyn ooghskens blincken Soo klaer als cristalijn, Wilt elck een kusken om schincken Ter eeren die liefste mijn. Sy houtet my heel van rouwen Dit Edel Maeghdekijn, Dus sal ick haer altijdt houwen
[pagina 58]
Voor mijn Medecijn, en beminnen oock alle Ionckvrouwen, Ter eeren de liefste mijn. Princesse fraey van gronde O edele maeghdekijn Ontfanght dit Bekerken ronde Met klare koele Wijn, En een kusjen aen uwen monde Ter eeren de Liefste mijn.