Amoreuse liedekens
(na 1613)–Anoniem Amoreuse liedekens–
AuteursrechtvrijOp de wijse: Den tijt is hier.
SOet is den naem
Van mijn liefken ghepresen,
Seer net bequaem
Zijn haer manierkens jent,
Vry sonder blaem seer gratieus int wesen
Eerlijck van faem, wort sy in deucht bekent
Deur haer liefd' eersaem
Staet sy int hart gheprent
Deur haer soete faconde, vry
'Tlachen van haer monde bly
Cupidoos stralen doorwonde, my
Met liefde pertinent.
Oochskens voorwaer
Heeft sy schoon int aenschouwen
Blinckende claer, als een puer diamant
Dus acht ick haer
Weerder dan ander Vrouwen
Want gantsch eenpaer, is sy in als playsant
En geheel sonder maer, is haren ganc triumphant,
Om haer deuch same seden, fijn
Die vol courtoyse reden, zijn
Heb ick dickmael gheleden pijn
Al door der minnen brant.
En hare deucht, Die sy daer draecht van binnen
My meer verheucht
Dan t'gheen ick heb verclaert
| |
[pagina 49]
| |
Want vol gheneucht
Is al haer hert en sinne,
Mijn gheest verheught, als ick my vint ghepaert
Met dese suyver jeught, wiens lof ick maeck
vermaert, dus sal ick t'allen tijden // schier
Door lijden my verblijden // fier
Om haer schoonheyt en lijden // hier
Als haer dienaer onwaert.
Toont doch ootmoet, Princesse lief verheven
Met een oogh goet, uwen dienaer siet aen
Tot eenen groet, wilt hem uwen troost geven
Soo sult ghy soet, u naem terecht ontfaen,
Wilt dit toch wesen vroet
En u minnaer by staen
Met u seer goede gracy // pleyn
Geeft hem doch confortacy // kleyn
Soo sal lief u laudacy // reyn
In wellust niet vergaen.
|
|