Amoreuse liedekens

(na 1613)–Anoniem Amoreuse liedekens– rechtenstatus


Een nieu Liedeken, [Nu wil ick op mijn handelijn]
Op de wijse: Dat set ick op mijn handelijn. NV wil ick op mijn handelijn, Druck lijden uyt mijn ghemoet En drincken van den claren Diet herte verheughen doet Ter eeren de liefste de liefste Ter eeren de liefste mijn, Met vreuchden, in deuchden Willen wy jonghe jeuchden By u hier vrolijck zij, Dit Kroesken vol gheschoncken Brengh ick aen machdeken fier Wiens oochskens op mijn loncken Gantsch door der minnen bestier Waer voor ick haer jonne, haer jonne, haer jonne Waer voor ick haer jonne veel vreuchden groot, Als huyden, wy luyden In vrolijckheyt beduyden, Dat die bedroefde zijn doot. Daer comen Harpen, Luyten Fiolen, Schalmeyen meest Rethorijckers speelen cluyten Van sinnen fraey na den gheest Hy salt noch betalen, betalen, betalen, Hy salt noch betalen diet niet en weet, Laet sorghen, die borghen Wy scheyden niet voor morghen Al ist nijders leet. Ghesoden en ghebraden
[pagina 42]
Brenght oock ter Tafel bereyt, Pasteyen, Taerten, Vladen Met alderhande sucaet Op dat wy ons lusten, ons lusten, ons lusten, Op dat wy ons lusten moghen versaden doet schincken, en drincken Wt schalen die blincken, den edelen rijnschen traen. Den waert Princelijck vol eeren Heeft met allen nu wel Voldaen, maer zijn begheeren Is dat wy met opstel De liefste eens cussen, eens cussen, eens cussen, De liefste eens cussen onversoeyt Want sinnen, die minnen, verwecken doet van binnen Dat liefde in liefde bloeyt.