Amoreuse liedekens

(na 1613)–Anoniem Amoreuse liedekens– rechtenstatus


Een oudt Liedeken. [Och Moeder seyde zy Moeder] OCh Moeder seyde zy Moeder Nu gheeft my goeden raet, My vrijt een Lantsknecht seere Hy volcht my altijt nae. Vrijt u een Lantsknecht seere Volcht hy u altijt nae, Soo slaet u ooghen neder, Ende laet hem henen gaen.
[pagina 110]
Och Moeder seyde sy moeder Dien raet en ben ick niet vroet, Ick hebbe den Lantsknecht liever Dan alle mijns Vaders goet. Hebdy den Lantsknecht liever Dan alle u Vaders goet, Och des moet Godt ontfermen Dat ick u oyt ghedroech. Hy namse al by den handen By haer Snee witte hant, Hy leydese alsoo verre Aldaer hijt schoone vant. Wat gaf hy haer te loone Tot haren nieuwen-Iaer, Een kindeken inder wieghen Met zijn gekrulde hayr. En gheeft ons God, een maget Soo cleyne maechdekijn Wy willen haer leeren breyden Van zijde een Huyvelijn. Van zijde eenen Huyve Van goude soo was dat snoer, Daer mach een vrome Lants-Knecht Sijn geluwe hayr in doden. Ten eynde van mijn liefs hoofde Daer staen drie Boomkens fijn, Die een draecht Noten-muscaten Die ander draecht een Nagelkijn. Die derde draecht Fiolen Den liefste Boele mijn, Het soude wel blijven verholen En dede dat cleyne Kindekijn. 'Teynde van mijn Liefs voeten Staet een Cofferkijn, Ende daer inne leyt ghesloten Dat jonge herte mijn. Die dit Liedeken dichte Dat was een Lants-knecht fijn, Hy hevet soo wel ghesonghen 'T Antwerpen al inde wijn.