Amoreuse liedekens

[p. 77]

[Schoon lief tot uwer schaden]

Schoon lief tot uwer schaden
Hebdy my gevonden hier
Wy twee zijn verraden,
Ons vyanden comen hier.

Al uyt mijns vaders hove

Dat vol verraders staet,
Maria tot uwen love,
Wilt ons nu geven raet,
Den raet die ick sal vinden
En is te mael niet goet.
Ick moet mijn leven enden
Ende storten mijn roode bloet.

Schoon lief om uwent wille,

Zoo wil ick sterven den dood,
Die verraders zwijchen stille,
Zy zijn mijn over-hoot,
Ick wilse gaen bestormen
Mijn Lichaem hoort den wormen
D'welck ick hen geven sal.

Men gincker stormen ende strijden,

Haer lief die bleef daer dood
Waer sal ick nu gaen oft rijden,
Noyt vrou en was in meerder lijden,
Zy is van rou ghestorven,
Wanneer sy sach zijn bloet,
Die strenge doot verworven
Door grooten tegenspoet.

Die dit Liedeken dichte,

Is dickwils sonder gelt
Dat doet hem een zijn nichte
Die 't hem te vooren teld,
Om d'welck sy can bedrijven,
Duysent Boertgens op een termijn,
Daerom boven alle Wijven
Is sy de liefste mijn.