Amoreuse liedekens

(na 1613)–Anoniem Amoreuse liedekens– rechtenstatus


Een oud Liedeken. [Het daghet inde oosten] HEt daghet inden oosten Het lichtet over al, Wie verhoolen wil vrijen, Die slaept niet te lanck. Wie verhoolen wil vryen, Op goede ghestadicheyt Hout 't Wachterken te vriende, Soo en gheschiet hem ja gheen leyt,
[pagina 68]
Daer lach een weerde vrouwe Al op een Camer en sliep, Sy was soo seer vertsaget Sy en kost gherusten niet. En vertsaecht u niet soo seere Mijn alder soetste lief, Ick ben een jongelinck schoone, Ick heb u van herten lief. Sydy een Iongelinck schoone, Och wiste ick dat voorwaer, Ick sou mint jonck hert dwingen, Mijn treuren waer al ghedaen. Hy namse in sijn armen Hy 's wanckse al in dat gras, Daer lagen sy bey verborgen, Tot dat scheen den lichten dach. Wy twee moeten scheyden Der moeter gescheyden sijn, De Wachter blaest sijn hooren Ick sie den dach in schijn. Ick weet van gheenen daghe Noch van gheen Manenschijn, Ghy zijt de Morghen sterre, Ghy verheucht dat herte mijn, Die dit liedeken dichte, Dat was een Ruyter fijn Hy hevet gesongen soo lichte, Te Campen al inden wijn.