Een Aemstelredams amoureus lietboeck

Een nieu Amoreus Liedeken, Op de wijse: alzoot begint.

Mocht ick gheluck verweruen
Al nae mijn t'shertsen sin
Mijn liefken soude ick eruen,
Al in dat harte mijn
Teghens mijn sins begheren,
Moet ickse nv ontberen
Waer machse zijn, Die alderliefste mijn.

Sy is so schoon van clueren,
Ghelijcken een Diamant
Mocht zy mijn eens ghebeuren
Dat Maechdeken triumphant,

[p. 124]

 

Triumphant is zy van leden,

 

Seer excelent van seden

 

Waer machse zijn, Den alderliefste mijn.

 

 

 

Och mocht ick by haer wesen,

 

Dat machdeken dat ick meyn

 

So waer mijn druck ghenesen

 

Daer sulcke Bloemkens zijn

 

Daer sulcke Bloemkens bloeyen

 

Met Venus dou bespoeyen

 

Waer machse zijn die alderliefste mijn.

 

 

 

Sy heefter twe bruyn ooghen

 

So claer als een Cristelijn

 

Sy doet mijn pijn ghedoghen,

 

Al in dat Herte mijn,

 

Mocht ickse eens aenschouwen

 

Die fleur bouen alle Vrouwen,

 

Waer machse zijn, Die alderliefste mijn.

 

 

 

Prince.

 

 

 

Princesse Lief verheuen

 

Om u reyn Maechdeken fijn,

 

Ghy staet so vast gheschreuen

 

Al in dat herte mijn,

 

Bouen Helena schone

 

Spant ghy int hart die crone.

 

Waer machse zijn, Den alderliefste mijn.