Poëmata

[p. 2]

Maria Graeca	} tragoediae.
Rosimunda	} tragoedia.
Elegiarum libri tres.
Siluae.
Esther tragicomoedia.

[p. 3]

Illvstrissimo Principi et Reverendissimo Domino Alphonso de la Coyve S.R.E. Cardinali, &c.
Domino suo colendissimo.

MAgne heros, quem nota fides doctrinaq́ue iussit

Inter purpureos nomen habere Patres;

Accipe dissimiles quae me docuere camoenae

[p. 4]

 

Metra, sub auspicio viuere iussa tuo.

 

Incestum gemit hîc Augustum Graeca Maria

 

Legitimam thalami non tenuisse fidem.

 

Exhaustoq́ue, scelus punit Rosimunda veneno

 

Coniugis exitio bis rea facta sui.

 

Inde leues Elegi, structaeq́ue è carmine siluae,

 

Ac oculos felix pascet Edissa tuos.

 

Tu mea non tetrico percurre poëmata vultu,

 

Et teneri pauidum dirige vatis iter.

 

Tu mea metra potes si vis defendere, namq́ue

 

Pendet ab arbitrio Belgica tota tuo.

 

Si laudes, etiam reliqui mea scripta probabunt,

 

Te sine, non vllo spreta legente, cadent.