C.V. Damme vvenscht Sr. Iacob Corssen sijnen weerdigen ende goetgunstigen vrient Gheluck Heyl, ende Salicheyt, in Iesu Christo.
Eerwaerdighe Vrient, seer langen tijt hebbe ick mijne genegentheyt bevonden aengeprickelt omme u E. te bewijsen eenighe weldaet (van weghen de soo menichfuldighe weldaden ende vrientschappen die ick so langhen tijt van u E. hebbe ghenooten ende noch ben genietende,) hebbe oversulcx geen bequamer begintsel connen ghevinden dan de teghenwordighe. Namentlijck: u E. toe te eygenen ende te dediceeren de Comedie vant Burgerlijck Huyshouden, (ghecomponeert ende in dichte ghestelt door den welgheleerden Lucam Zasium, my in handen gecomen van een goet vrient) verhoope tzelve u E. niet qualijck en sal behaghen, (als mede vanden hoooghsten ghezeghent zijnde met een tamelijck Huysghesin, ende den lust die soo als ick ghespeurt heb, (u E. zijt draghende tot de Const van Rijmingh, welcke is leydende totter Deught, bidde uwe E. wille dees gift accepteren, met soo goeden ghenegentheyt als de selve u wert toegeschickt van zijnen altijt ghewillich bereyden vrient.
C.V. Damme.
Auteursrechtvrij