Gheestelijcke liedekens (1582)

Gheestelijcke liedekens

(1582)–Joris Wybo– rechtenstatus

Auteursrechtvrij

Vorige Volgende


[GHy Vrouwen met schoonheyt excellent]
C Een nieu Liedeken, Op die Wijse, Ghy die niet meer int Vleesch en zijt. GHy Vrouwen met schoonheyt excellent Verchiert tot Godt v went Ga naar voetnoot+Prijst hem sijnen name bekent Die v dese gaue heeft ghegheuen Susanne cuyscheyt tot in den endt Vast in v herte prent Die Godt fijn ongheschent Bewaert heeft soot staet beschreuen Soo sult ghy sijn gheeert Vwen lof werde vermeert Ende met veriolijsen Sal een yeder Man uwe deucht prijsen. Susanna die Dochter goet van aert Elcken wel vermaert Is soo de Schrift verclaert Schoon end' dat fleur van alle Vrouwen Met Joachim was sy ghepaert Daer met sy onbeswaert Den Eechstant heeft bewaert
[Folio 36r]
En hadde alleyne al haer betrouwen Vast op den waren Godt Houdende sijn ghebodt Dies hadde sy bequame Ouer al eenen seer goeden name. In haer s'Mans Bogaert triumphant Met Boomen schoon beplant Susanna haer daghelijcx vant Een wandelinghe wast haer ydoone De Dienstmaechden sy van haer sant Wt haren Hof playsant Om aen des waters cant Haer heymelijck te wasschen schoone Al die Deuren met vliet Neerstich sy sluyten liet Op dat sy daer alleene Haer suyuerlijck mocht wasschen reene. Als sy daer meynde alleyn te sijn Waren op dat termijn Twee Oude vol fenijn Verborghen daer soot heeft ghebleken En spraken haer aen met woorden fijn V Lieffelijck aenschijn En groote schoonheyt dijn Heeft ons herten met liefden ontsteken Dies doet onsen wille vry Anders soo sullen wy Van ontucht verboden V beclaghen en haest doen dooden. Seer benaudt was Susanna aldaer En suchtede seer swaer
[Folio 36v]
Sy sprack anxt en gheuaer Hebbe ick int herte met grooten sommen Ist dat ick doe dit stuck oneerbaer Steruen moet ick voorwaer Doe ickt oock niet het is claer V handen en can ick niet ontcommen Doch ist beter verstaet Vallen sonder misdaet In v handt met oneeren Dan met misdaet in de handt des Heeren. Susanna wert haestelijck op ghedaecht En valschelijck verclaecht Dies beschaemt ende versaecht Waren al haer vrienden te samen Sy wert veroordeelt ende geiaecht Ter doot met spot beclaecht Dwelck sy verduldelijck draecht Aenroepende des Heeren namen Maer Godt verweckte snel Den vromen Daniel Die tot dien stonden Der Boeuen list haest heeft gheuonden. Hy sprack tot den eersten gheest oorcont Onder wat boom sy stont Onder eenen Boom sprack hy ront Sach ick haer wilt mijn woorden vaten Maer den anderen opdoende den mont Sprack wt eenen valschen gront Dat hijse int feyt beuont By eenen Boom vol van Garnaten Daniel die sprack seer saen
[Folio 37r]
Ghy liecht beyde daer aen Dies moet ghy nv steruen So ghy dese Vrouwe soeckt te verderuen Dus wert Susanna delicaet Vry ghekent voor den raet Godt die de sijne niet en laet Die vrienden al hem seer verblijden Die oude schalcken loos en quaet Werden ghedoot met smaet En steruen desperaet Godt die can sijn volck so tallen tijden Helpen ende met den doot Straffen den schalcken groot En hy werpse als Slauen Inden cuyl die sy anderen grauen. Ghy Princelijcke Vrouwen soet Wilt dit exempel goet Houden in v ghemoet Godt en sal v ganschelijck niet verlaten Die lusten deser werelt onuroet V eyghen vleesch en bloet Verwint nv wat ghy doet Door Christi cracht tot uwer baten Met Susanna Godt vreest Wt Kinderlijcken Gheest Ghy wert verheuen Nae desen tijt int Eewich leuen. AMEN. FINIS.	voetnoot+ P. D.

Vorige Volgende

Over dit hoofdstuk/artikel

lied

Naar de Nederlandse Liederenbank