Gheestelijcke liedekens
(1582)–Joris Wybo–
Auteursrechtvrij
[Folio 3r]
| |
C Nae de wijse: O Rhethorijcke bloemeken puere.
O Kercke Christi bloemeken puere Ga naar voetnoot+
Hoe lieffelijck staet ghy nv en bloeyt
Ghy sijt veruult met die schriftuere Ga naar voetnoot+
Als een fonteyne die oueruloeyt
Gheen schoonder in de wilde wouwe Ga naar voetnoot+
Soomen mach mercken aen v doen
Ghy staet gelijck dat loof van een kerssouwe
Winter, Somer euen groen.
Ghy sijt ghelijck een Lelie verheuen Ga naar voetnoot+
Onder de doornen lustelijck gheplant
Een Roose root welrieckende beseuen
Seer lieffelijck in des menschen handt
Al door dat werck des Heeren crachtich
Staet ghy lustich int saysoen
Ghy groeyt en bloeyt altoos euendrachtich
Winter Somer euen groen.
O Lieue Bruyt Christi ghepresen Ga naar voetnoot+
Ghewasschen in dat dierbaer bloet
Ws Bruydegoms Christi wtgelesen
Als een onnoosel schaepken goet
Al totter doot des Cruycen bloedich
Het welck de boose niet beuroen
Dy trouwende wt liefden gloedich
Winter, Somer euen groen.
GHy sijt leelijck in v natuere Ga naar voetnoot+
Maer schoon in uwen Bruydegom
In Christo sijt ghy suyuer en puere
Die daer is des leuens boom
| |
[Folio 3v]
| |
Ga naar voetnoot+Verbrandt sijt ghy bruyn vander sonnen
Nochtans sijt ghy cloeck ende coen
V bloet van hitten is ghecomen
Winter, Somer euen groen.
Ghy sijt de schoone witte Duyue Ga naar voetnoot+
Van Christo Jesu seer bemint
Die lieffelijcke Wijngaerts druyue
Van uwen Bruydegomversint
Sijn herte brandt in uwer liefde
Laet v herte sonder vermoen
In liefden branden als de gheriefde
Winter, Somer euen groen.
GHy moet hier weenen ende treuren Ga naar voetnoot+
En altoos wesen in barens noot
Niet anders mach v hier ghebeuren
Ga naar voetnoot+Ghy sijt een tortelduyfken minioot
Ghy moet hier claghen ende suchten
Dit is v liedt en v blaeyson
So langhe ghy woont in dese ghehuchten
Winter, Somer euen groen.
Maer namaels sult ghy triumpheren Ga naar voetnoot+
Met Christo inder eewicheyt
Met d'lammeken sult ghy dan regneren
In eeuwighe vreucht en heerlijcheyt
Sijn claer aenschijn sult ghy aenschouwen
En omhelsen sonder misdoen
Waer door ghy sult vergeten alle rouwen
Winter, Somer euen groen.
|
|