Oude Vlaemsche liederen

[p. 433]

CXCIX.
Sterrelied.

Ons ghenaket die avontstar,
Die ons verlichtet also claer.
Wael was haer doe,
Susa ninna susa noe,
Jesus minne sprac Marien toe.

Dat huus dat hadde so menich gat,
Daer Christus in gheboren was.
Wael was haer doe,
Susa ninna, enz.

Si setten dat kint op haren scoet,
Si cussedet voer sijn mondekijn roet,
Het was so soet!
Susa ninna, enz.

Si setten dat kint op haren knien,
Si sprac: groet eer moet u ghescien!
Wael was haer doe,
Susa ninna, enz.

Si setten dat kint op haren aerm,
Met groter vrouden sach sijt aen,
Het was so soet!
Susa ninna, enz.

Die moeder die makeden den kinde een bat,
Hoe lieflic dattet daer inne sat.
Wael was haer doe,
Susa ninna, enz.

Dat kindekijn pleterden metter hant,
Dattet water uten becken spranc.
Wael was haer doe,
Susa ninna, enz.

[p. 434]

8

 

Die os ende oec dat eselkijn

 

Die aenbeden dat soete kindekijn.

 

Wael was haer doe,

 

Susa, ninna, enz.

[By Hoffmann von Fallersleben, Horoe Belgicoe, II, bl. 21-23, volgens een handschrift uit de XV^e eeuw.]