Chronique Flamande 1571-1584

Lettre du duc d'Alençon aux Échevins de Gand.
1582.

Par le Duc.

Très chiers et féaulx. Comme entendons de bon lieu que noz ennemis ont certaines correspondences en la ville de Gand, insauves de se tenir asseurez d'y pouvoir faire quelque malheureux exploict. Nous vous en avons bien volu advertir affin que soyez sur votre guarde, que les guetz soient mis et souvent changez et renforcez, pour par ce moyen obvier ausdits desseings. Et par ce que ne doubtons y avons tant plus de matière, à cause que le serment

[p. 168]

d'observation du roy dEspaigne n'y est deusment praticqué, comme par diverses fois en avez esté requis, tant par les Estatz que le conseil d'Estat. Nous vous requerons et néantmoins ordonnons, de incontinent faire en recepvoir les sermens de tous bourgeois et inhabitans de ladite ville, tant vieulx magistratz, hommes de fief, guldes, doyens, nobles que ignobles, de quelque qualité ou condition quilz soient. Et faire sortir dicelle ville tous refusantz, sans aulcun post, faveur ou dissimulation. Leur enjoindant de nostre part bien expresscment de sortir hors de ces Provinces Unies en déans trois jours, à peine d'estre après ce jour là tenuz pour ennemis et de bonne prise. A tant, très chiers et féalx, Dieu vous ait en sa saincte guarde. Anvers, le xxvij de mars 1582.

François.

A l'ordonnance de Monseigneur le Duc, A. Sille.

(Inventaire des Archives de la ville de Gand, n^o 1398. Original).