Chronique Flamande 1571-1584

[p. 166]

Formule de serment du Duc d'Alençon comme comte de Flandre.

Nous François, fils de France, frère unicque du Roy, par la grâce de Dieu, duc de Brabant, Anjou, Alenchon, etc., promectons et jurons à foy et serment de prince, d'estre droiturier seigneur et conte de Flandre, et ce qui en dépend, de maintenir le pays de Flandre en paix ensemble, en droicts et ès loix et priviléges, d'observer et accomplir tous et chacuns points et artycles du traitté fait entre nous et les Provinces Unyes du Pays-Bas, en la ville de Bourdeaux, le xxiij^e de janvier xv^c quatrevingtz et ung, ne contrevenir, violer, enfraindre ou corrumpre lesdits articles, ny souffrir qu'ilz soyent contreveniez, violez, enfrains ou corrompus en quelque sorte que ce soit, dentretenir et observer les priviléges, libertés, coustumes, usaiges et droitz de ceste ville de Gand, faire et administrer justice, tant au povre que au riche, aux vefves et orphelins, et faire tout ce que ung droicturier seigneur et conte de Flandre doibt et est tenu de faire. Ainsi nous aide Dieu⁽¹⁾.

(Inventaire des Archives de la ville de Gand, n^o 1397).

(1) Le même serment se répétait dans les différentes villes.