Nieu liedt-boeck ghenaemt Der minnaers harten jacht ofte de Groote Aemstelredamsche rommelzoo

Rondeel.

Voorwaer onsen Bruydegom heeft hem wel versien

Van twee Speelknechten fraey en excellent,
Ick siese oock aen voor twee huysche jonghelien,
Voorwaer onsen Bruydegom heeft hem wel versien:
Werde ick eens Bruydegom, ick sal sulcke besien,
Want sy doen haer dinghen seer pertinent:
Voorwaer onsen Bruydegom heeft hem wel versien
Van twee Speelknechten fraey en excellent.