Nieu liedt-boeck ghenaemt Der minnaers harten jacht ofte de Groote Aemstelredamsche rommelzoo

Rondeel op een Appel van Orangien.

Proeft eens dees Appelen van Orangien

Ick en weet niet ofse suer zijn oft zoet,
Den meesten hoop comen uyt Spaengien:
Proeft eens dees Appelen van Orangien
Snijtse in stucken, maeckt gheen calangien,
Sy zijn my toegeseyt voor oprecht en goet,
Proeft eens dees Appelen van Orangien,
Ick en weet niet ofse zuer sijn oft zoet.