Rymende uyt-legginghe naer den letterlycken, ver-holen ende sedelycken sin, van de honderd ende vyftigh psalmen van den heylighen koninghlycken propheet David
(1660)–Peeter de Vleeschoudere–
AuteursrechtvrijNaer de Letter.LOoft God, die daer verheft, wie sich ver-nedert hier,
Aen die on-vruchtbaer is, gheeft kinders goeder-tier.
| |
Ander uyt-legginghe Letter-wys.Komt Gods dienaers, en wilt prysen,
Lof, en danck, en eer' be-wysen
Onsen Heer' en God ghewis,
Die noyt te vol-prysen is.
| |
[pagina 131]
| |
Want al is hy hoogh-verheven,
Doet nochtans te kennen gheven,
Dat hy heft, die d'eer' ver-saeckt,
En d'on-vruchtbaer, vruchtbaer maeckt.
| |
Naer den Ver-holen sin.
Den naem Gods en syn ghenaede
Looft met sanghen vroegh en spaede,
Die syn heyl'ghe Kerck' ver-eert,
Met gheloovighe ver-meert;
Die-men siet noch heden haeren,
En de wereld door ver-gaeren
Volcken van ver-scheyden tael
Tot aen 's werelds leste pael.
Waer is sulck-een Heer' waerachtigh?
Sulck-een God, die is al-machtigh?
Als God, die uyt 't sondigh slyck
Heft den mensch in 't hemelsch Ryck;
Die de sondaers doet onthaelen
In syn schoon ver-gulde saelen,
En ghelyck maeckt in den lof
Met syn Princen van syn hof.
|
|