De schadt-kiste der philosophen ende poeten
(1621)–Jan Thieullier–
Auteursrechtvrij
[pagina 96]
| |
Refereyn.
DEr Philosophen leer haer schriften en bewijs,
Die men waerachtich hout, met allen haer deuijs,
Merckt eerst Solon aen, hy ginck d'Athenen leeren
Onderhout ws vrints deucht, eert Iouis jonck en grijs,
En uwen naesten helpt, wilt oock die wetten eeren,
Wacht te comen in haet, wilt gramschap van v keeren,
Leert oock regeeren wel, den boysen altijt vliet,
Prijst en volcht de deucht, wilt toch gheen quaet vermeeren,
Straft uwen vrint secret, prijst hem openbaer siet,
Plato ons oock doch leert, sijn boecken wel deurwiet,
Den mensch al van natuer, hy sal het goet beminnen,
Want hy een planting is des hemels, ten schayt niet,
Bias ons wel bewijst, men mach sijn leere kinnen,
Dat den mensch heel arm blijft, die gierich is van binnen,
Zalucus leer is goet, men sacher veel op weluen,
Die de lorensen al hilden met blijde sinnen,
Maer Chilos leer ick prijs, die seyt mensch kent v seluen.
DIe daer niet swijgen can, weet niet wat spreken is,
Dat was Pithacus leer, jae maeckt vrinden gewis,
In voorspoet was sijn woort, proefse in tegenspoede,
Dat ghy hebt inden sin, swijght oft ghy noch sloecht mis,
Soo wort ghy niet bespodt, sijt altijt op v hoede,
Alsoo v ouders doet, alsoo sal uwen bloede
Certeyn v weder doen, soeckt d'eer willet verstaen,
Soo sal dan uwen naem onsterflijck met de goede
Altijt oock blijuen hier, leert Periander saen,
Ga naar margenoot+ Cicero ons oock schrijft, en lieffelijck wijst aen,
Hoe dat den mensche is, siet d'een om d'anders wille
Vortcomen en gemaeckt heel nutlijck in dees baen,
En sijn de winckel maet, daer recht op drayt de spille,
Ga naar margenoot+ Vernuft is leyderin dees leuens sonder brille,
Iae dat de wetten stelt, al siet men daer af scheluen,
Al wees Certeyn om hoegh Anaxagoras stille,
Maer Chilos leer ick prijs, die seyt, mensch kent v seluen.
| |
[pagina 97]
| |
Ga naar margenoot+ EEn Diogenes vraecht, wat beet het quaetste was,
Een achterclappers tongh, antworden hy soo ras,
Sy vraechden hem doen voort, wat beet is goedertieren?
Eenen pluymstrijckers beet, seyde hy op dat pas,
Cleobolus ons leert, hout maet in al mannieren,
En wacht v van te veel, wilt uwen vyant vieren,
Bias seyt, vonnist niet tuschen v vrinden vry,
Op dat sy toch geen quaet van v daer nae versieren,
Maer v vyanden wel vonnist sonder perty,
Soo suldy eenen vrindt trecken al aen v sy,
Voort noch Seneca leert, en dat met goede reden,
O doot wy vreesen v, ghy hout ons leuen bly,
Ghy brenght ons weer int licht, seyt hy met goeder seden,
Ga naar margenoot+ Want siet dat eenich goet werckt in onse leden,
O Luci mijnen vrint wilt de reden niet deluen,
En laet ons climmen gaen al naer de hoochste steden,
Maer Chilos leer ick prijs, die seyt mensch kent v seluen.
| |
Prince.
Ga naar margenoot+ EEn vernuft is gevloyt door natuer alder dinck,
Dat het recht doen aendrijft, d'onrecht scheijt sonderlinck,
Ga naar margenoot+ Daer is geen twijffel dan, Iouis sal by ons woonen,
Soo sal den geest weer gaen, vroolijck met eenen sprinck
Van daer hy comen is, daer hem t'vernuft sal loonen,
Ga naar margenoot+ Want deur d'eenich vernuft al dingh sal d'wesen thoonen,
Want de gerechticheyt noyt eenich meester kent
Van naturen volmaeckt, t'vernuft ghy eel personen
Ga naar margenoot+ Is goedich wt sijns selfs, sonder begin oft ent,
Want wt het quaet alleen compt niet dan swaer allent,
Soo is het vernuft dan het eygedom en leuen,
Ga naar margenoot+ En t'rechte eenich goet, al dunckt het den mensch vremt,
Sijnen lof is de deucht, al dinck sal hem licht geuen
Ga naar margenoot+ Deur het kennen sijns selfs, dat hem leyt sonder sneuen
S'morgens oft s'auonts spay, al waert oock by den eluen,
Al had Draco sijn wet certeyn met bloedt geschreuen,
Maer Chilos leer ick parijs, die seyt mensch kent v seluen.
Godt kent alle Herten.
Fecit Adriaen VVils. |
|